Nauðsynlegt að fá nýja ferju í Grímseyjarsiglingar
„Við höfum, Grímseyingar óskað eftir því um nokkurt skeið að fá nýja ferju, það er eina vitið og ég trúi ekki öðru en að einhvers staðar í heiminum finnist skip sem getur hentað til ferjusiglinga milli lands og Grímseyjar,“ segir Halla Ingólfsdóttir sem rekur ferðaþjónustufyrirtækið Artict Trip í Grímsey. Ferjan Sæfari hóf siglingar í liðinni viku við mikinn fögnuð en á mánudag kom upp bilun í stýrisbúnaði. Viðgerð tókst og ferjan hóf siglingar á ný.
Sæfari var frá í 10 vikur, en ferjan var í reglubundinni skoðun og viðhaldi hjá Slippnum á Akureyri. Slíkt er nauðsynlegt til að viðhalda haffærni skipsins en nú fyrr í vor var komin tími á umfangsmeira viðhald og meiri skoðun en felst í hefðbundinni árlegri skoðun. Á þeim tíma sem Sæfari var í slipp sinnti fiskiskipið Þorleifur afurða- og vöruflutningum til og frá Grímsey en farþegaflutningar voru á vegum Norlandair og var flugferðum fjölgað á meðan ferjan var ekki tiltæk.
Halla segir að íbúar í Grímsey hafi bent á að Sæfari væri úrelt skip, ágætis sjóskip í raun en mikið sjóveikiskip og hafi margir ferðalangar reynt það á eigin skinni. „Skipið er gamalt og þegar eitthvað bilar er ekki gott að fá varahluti, þeir eru ekki til og finna þarf aðrar leiðir til að bjarga málum,“ segir hún.
Bent hafi verið á að Sæfari sé eina skipið sem ráði við verkefnið, að sigla frá landi og að komast inn í höfnina í Grímsey. „Það má vel vera að Sæfari sé eina skipið í heiminum sem geti þetta, en er þá ekki hægt að skoða aðrar lausnir eins og að stækka höfnina þannig að hún henti annars konar ferju?,“ segir Halla. Hún bætir við að sér finnist Grímseyingar ekki beint tala fyrir daufum eyrum þegar þeir benda á nauðsyn þess að fá nýja ferju, „en það tekur allt óskaplega langan tíma.“
Kalla eftir byggðastefnu stjórnvalda
Halla segir að vissulega búi fái í Grímsey yfir veturinn, en líflegra sé yfir sumarmánuðina og þá iðulega margir á ferli. „Við höfum kallað eftir stefnu stjórnvalda þegar kemur að byggðamálum hér. Það er alveg ljóst að ef byggð leggst af, ef enginn hefur hér vetursetu, þá verður ekki um það að ræða að fólk komi hér í 6 til 8 vikur yfir sumarið til að sinna ferðaþjónustu. Hún mun leggjast af,“ segir hún.
Halla segir ferðaþjónustu í Grímsey hafa vaxið á liðnum árum og allt að 20 þúsund farþegar komi árlega og skoði sig um í eyjunni. Flestir yfir sumarmánuði, en dreifist einnig vel yfir aðra tíma ársins. Sem dæmi sæki margir í að skoða norðurljós í Grímsey þar sem ljósmengun er lítil sem engin. Þannig hafi ljósmyndarar sótt í að koma og nýta sér vetrarfegurð eyjarinnar. Rithöfundar leiti líka í kyrrðina sem þar ríkir. „Tækifærin eru fyrir hendi og við höfum áhuga fyrir að nýta þau.“
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
