6. nóvember - 13. nóvember - Tbl 45
Mikið álag á Sjúkrahúsinu á Akureyri í sumar
Sjúkrahúsið á Akureyri. Mynd/Þorgeir Baldursson
mth@vikubladid.is
„Álagið hefur verið mikið í allt sumar og fátt bendir til annars en svo verði áfram,“ segir Ragnheiður Halldórsdóttir starfandi framkvæmdastjóri lyflækningasviðs Sjúkrahússins á Akureyri. Auk þess sem kórónuveirusjúklingar hafa í töluverðum mæli legið á sjúkrahúsinu undanfarið er ýmislegt fleira í gangi, eins og parainflúensa og magakveislur. Ferðamenn eru margir í bænum sem eykur álag á bráðadeild. Þá náðist ekki að manna allar stöður með sumarafleysingafólki. „Ofan á allt erum við undirmönnuð,“ segir hún.
Fjórir kóvid sjúklingar voru á sjúkrahúsinu í byrjun vikunnar, þar af eitt barn. Þegar mest var nýverið voru 11 kóvid sjúklingar inniliggjandi en Ragnheiður segir mikið um smit í samfélaginu og talan geti hækkað á ný hvenær sem er. Hún nefnir að sjúkrahúsið hafi í nokkrum mæli tekið við kóvidsjúklingum af skemmtiferðaskipum sem lagst hafa að bryggjum á Akureyri. „Það er of snemmt að fagna sigri yfir kóvid, þetta er ekki búið.“
Aðrir sjúkdómar eru einnig skæðir um þessar mundir, inflúensa og magakveisa sem krefjast þess að fólk sé einangrað, en húsakynni spítalans henta ekki sérlega vel til þess.
Yfirfullt er á lyflækningadeild, skurðdeild og barnadeild og því nokkuð um að sjúklingar séu lagðir inn á aðrar deildir. „Það er allt pláss nýtt sem finnst þegar ástandið er með þessum hætti, það kemur fyrir að fullorðnir séu lagðir inn á barnadeild sem dæmi ef ekki finnst annað pláss,“ segir Ragnheiður.
Aðalvandinn er undirmönnun
Margt fólk er í bænum yfir sumarmánuði og segir Ragnheiður það auka álag á bráðamóttöku þar sem mikið hefur verið að gera undanfarnar vikur. „Aðalvandi okkur má segja að sé undirmönnun, við náðum ekki að ráða í allar sumarafleysingarstöður sem í boði voru, en það þýðir að okkar starfsfólk þarf að hlaupa hraðar, álagið eykst og það er endalaust verið að biðja fólk um að taka að sér aukavaktir. Þetta er orðið svo slæmt að við höfum þurft að kalla fólk inn úr sumarfríi,“ segir Ragnheiður og bætir við að því miður líti allt út fyrir að næstu vikur verði á svipuðum nótum.
Nýjast
-
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir.
