Mannekla leiðir til skertrar þjónustu velferðarsviðs í sumar
Bergdís Ösp Bjarkadóttir forstöðumaður stuðningsþjónustu Akureyrarbæjar segir áhyggjuefni að ekki fáist fólk til starfa við stoð- og stuðningsþjónustu á vegum velferðarsviðs Akureyrarbæjar í sumar. Skortur á starfsfólki veldur því að skerða þarf þjónustu í sumar, einkum frá byrjun júlí og fram í ágúst. „Það hefur ekki gengið vel að ráða fólk og við erum enn með nokkur stöðugildi sem enginn sækir um, þannig að ljóst er að ekki er hægt að halda úti fullri þjónustu með þann mannskap sem við höfum nú á næstu vikum.“
Bergdís segir að ekki verði hróflað við veikasta hópnum og þeim sem fá innlit oft á dag og aðstoð við daglega virkni. „Aðstaða fólks er misjöfn, við horfum helst til þess að yfir blásumarið detti helst út þeir sem standa sterkast að vígi og fá einungs þjónustu við þrif,“ segir hún.
Tæplega 700 heimili
Alls starfa á bilinu 70 til 80 manns við stuðnings- og stoðþjónustu á vegum velferðarsviðs, þar af eru ríflega 40 sem sinna stuðningsþjónustunni sem Bergdís veitir forstöðu. Á liðnu ári var veitt þjónusta inn á 692 heimilum á Akureyri, þannig að talsvert fleira fólk naut þjónustunnar, þar sem algengt er að fleiri en einn sé á heimili.
Bergdís segir að það að skera niður þjónustu nú í sumar sé þrautalending. Fólk fáist ekki til starfa og af því hafi menn verulegar áhyggjur. „Þetta er fjölbreytt starf og gefandi fyrir þá sem vilja starfa með fólki og er alls ekki verr borgað en sambærileg störf. En það er eitthvað sem veldur að fáir sækja um,“ segir hún og bætir við að það sé bagalegt því verkefnum fjölgi ef eitthvað er. Lokun deilda á Hlíð og á Kristnesi hafi þá keðjuverkun í för með sér að fleiri þurfi þjónustu heima við en áður.
Nýjast
-
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni.
