20. nóvember - 27. nóvember - Tbl 47
Lokaorðið - Bölmóðssýki og brestir.
Það er Svanhildur Daníelsdóttir sem er með orðið.
Í gegnum tíðina höfum við lært margt varðandi góða líkamlega heilsu. Við hættum að reykja, erum dugleg að hreyfa okkur og vitum allt um hollt mataræði. Við lítum vel út hið ytra, eldumst lítið og borðum lífrænt.
Mætum svo á vinsælustu staðina og heitustu viðburðina og birtum fallegar myndir. En erum við jafn falleg að innan? Það sem við skrifum á samfélagsmiðla er ekki alltaf jafn fallegt og myndirnar sem við birtum af okkur. Þegar allt kemur til alls þá erum við einfaldlega það sem við leggjum rækt við, bæði hið ytra og innra. Við erum það sem við borðum, þess vegna eru sumir ýmist of þungir eða of léttir. Við erum líka það sem við hugsum, þess vegna geisla sumir af gleði og mildi og aðrir lykta af biturð og önuglyndi.
Stundum erum við ömurleg. Tölum niðrandi um aðra, rangtúlkum, hæðumst að, gerum öðrum upp skoðanir og snúum útúr. Vöðum áfram og skiljum eftir okkur ósýnileg svöðusár í sálum annarra. Það er vegna þess að við höfum trassað að rækta okkur hið innra og skortir færni til að staldra við, hlusta og íhuga. Getum við þjálfað hugann og losað okkur við vondar hugsanir með því að iðka núvitund í 5-10 mínútur á dag? Það hjálpar örugglega aðeins, en ég held að það sama gildi um þol hugans og þol líkamans.
Það þarf að iðka hvert andartak ætli maður að ná árangri. Kannski getur ein setning úr gömlu höfuðbókinni verið okkur gagnleg. Við getum skrifað setninguna á blað og fest á ísskápinn, á vegginn í vinnunni, á mælaborðið í bílnum og jafnvel framan á sjónvarpið. Það sem þú vilt ekki að aðrir geri þér, skalt þú ekki gera öðrum. Þetta rúmast á litlum miða. Auðvitað reiðist maður og er ósammála mörgu, það er mannlegt, en þá reynir á þol hugans að vaða ekki fram hugsunarlaust. Enginn vill vera ljótur að innan en það er mjög auðvelt að verða þannig. Alveg jafn auðvelt og að verða sófadýr.
Sálin, þetta ósýnilega undur sem innra með okkur býr á betra skilið en bölmóðssýki og bresti.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
