6. nóvember - 13. nóvember - Tbl 45
Löggæsla og samfélagið í Háskólanum á Akureyri
Háskólasvæðið á Akureyri. Ljósmynd/Þorgeir Baldursson.
Ráðstefnan Löggæsla og samfélag fer fram í fimmta sinn við Háskólann á Akureyri dagana 5. og 6. október. Á dagskránni eru 49 erindi og hefur ráðstefnan aldrei verið jafn umfangsmikil. Fyrirlesarar eru um 70 talsins og koma frá fimm heimsálfum. Greinilegt er að ráðstefnan hefur skapað sér nafn víða um heim en hún er haldin af námsbraut í lögreglufræði við Háskólann á Akureyri.
Guðmundur Oddsson, dósent í félagsfræði við Félagsvísindadeild Háskólans á Akureyri og einn skipuleggjanda ráðstefnunnar, segir ráðstefnuna vettvang fyrir fagfólk og fræðimenn til að reifa málefni sem tengjast löggæslu í víðri merkingu. „Ráðstefnan er mikilvægur liður í að byggja upp lögreglufræðisamfélag hérlendis, stuðla að aukinni samvinnu milli þeirra stofnanna sem skara réttarvörslukerfið og auðkenna leiðir til að gera góða löggæslu enn betri,“ segir Guðmundur.
Þema ráðstefnunnar í ár er mannekla, sem vísar til þess að Ísland er með hvað fæsta lögreglumenn miðað við höfðatölu í Evrópu og hefur þeim fækkað síðastliðin 15 ár.
„Mannekla kemur niður á almennri löggæslu, forvörnum og frumkvæðisvinnu og eykur álag á lögreglumenn. Það er vert að rýna í áhrif þessa og auðkenna leiðir til úrbóta,“ segir í kynningartexta um ráðstefnuna.
Auk manneklu lögreglu eru umfjöllunarefni fyrirlesara margvísleg s.s. sýnileiki og traust til lögreglu, löggæsla í fjölbreyttu samfélagi, lögreglunám, afglæpavæðing, siðrof, félagslegt taumhald í litlum samfélögum, áhrif COVID-19 á lögreglumenn, heimilisofbeldi, kynferðisafbrot, peningaþvætti, lögreglurannsóknir, samfélagsþjónusta og uppbyggileg réttvísi.
Ráðstefnan fer fram á íslensku og ensku.
Lykilfyrirlesarar eru tveir:
- Silje Bringsrud Fekjær, prófessor við Metropolitan háskólann í Ósló
- Jeremy M. Wilson, prófessor við Ríkisháskólann í Michigan
Hér má nálgast dagskrá ráðstefnunnar: https://www.unak.is/is/samfelagid/vidburdir/loggaesla-og-samfelagid-2022
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
