Lóð undir leikskóla við Naust of lítil fyrir stóran leikskóla
mth@vikubladid.is
Til stóð að næsti nýi leikskóli á Akureyri yrði á lóð við bæinn Naust, á milli Nausta- og Hagahverfa. Nú þykir sú lóð ekki nægilega stór fyrir þann leikskóla sem er á teikniborðinu og því leitað að annarri lóð.
„Það er engin önnur lóð til staðar eins og staðan er nú, en verið er að skoða hvaða möguleikar eru fyrir hendi,“ segir Pétur Ingi Haraldsson skipulagsfulltrúi Akureyrarbæjar. Minnisblað vegna staðsetningar leikskóla í Hagahverfi var til umfjöllunar á fundi umhverfis- og mannvirkjaráðs sem lagði til að sótt verði um nýja og hentugri lóð sem betur þjónar framtíðaruppbyggingu á svæðinu. Lóðin sem ætluð var undir leikskólann er of lítil fyrir þá stærð leikskóla sem nú er lagt til að verði byggður og þykir staðsetning sunnar en við Naustabæina betur þjóna framtíðaruppbyggingu og þeirri stærð sem talið er að þurfi.
Hugmynd um 150 barna leikskóla
Andri Teitsson formaður umhverfis- og mannvirkjaráðs segir að frátekin sé um það bil 5.300 fermetra lóð vestan við bæinn Naust og sunnan við Naustagötu. „Nú er hugmyndin sú að byggja leikskóla fyrir allt að 150 börn, en slík bygging þarf að vera um 1.500 fermetrar að stærð. Óskastaðan frá sjónarhóli barna og starfsfólks er að slík bygging sé á einni hæð en það rúmast ekki á núverandi lóð,“ segir Andri. Vissulega segir hann að hægt væri að hafa byggingu að hluta til á tveimur hæðum, líkt og raunin er með Klappir við Glerárskóla, en það yrði samt þröngt um starfsemina þó sú leið væri farin. „Þetta er praktísk ábending frá okkur í umhverfis- og mannvirkjaráði,“ segir hann og beindir á að yfirvöldskólamála þ.e. fræðslu- og lýðheilsuráð, og einnig skipulagsráð, hafi meira um það að segja hvar er best er að staðsetja leikskóla.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
