30. október - 6. nóember - Tbl 44
Listasafnið á Akureyri 30 ára Ævintýralegur uppgangur og aðsókn þrefaldast
Hlynur Hallsson safnstjóri Listasafnsins á Akureyri við við verk eftir Guðrúnu Hrönn Ragnarsdóttur en hún er ein af Hringförunum sem opna eina af fimm nýjum sýningum á Listasafninu á laugardag.
„Það hafa verið mikil forréttindi að fá að stýra Listasafninu á síðustu árum. Uppgangurinn hefur verið ævintýralegur og þakklæti og góðvild bæjarbúa til safnsins dásamleg,“ segir Hlynur Hallsson safnstjóri Listasafnsins á Akureyri en 30 ár eru um þessar mundir liðin frá því safnið var opnað. „Við sjáum það í stóraukinni aðsókn á safnið og Ketilkaffi blómstar líka. Við viljum þakka fyrir okkur með fimm fjölbreyttum sýningum sem bætast við þrjár aðra sýningar í safninu og afmælisveislu sem er opin öllum alla helgina með viðburðum á færibandi. Heimafólk og gestir koma við sögu, gamalt og nýtt, fróðlegt og skemmtilegt. Það er best.“
Hlynur hefur stýrt Listasafninu á Akureyri undanfarin 9 ár og lætur af störfum á næsta ári, en gert er ráð fyrir að safnstjóri starfi ekki lengur en 10 ár við safnið. „Þetta hafa verið góð og eftirminnileg ár,“ segir hann og getur sérstaklega um velheppnaða stækkun og endurbætur á húsakynnum safnsins sem náðist fyrir aldarfjórðungsafmæli þess fyrir 5 árum. Listasafnið á Akureyri sé eftir þá breytingu í hópi stærstu listasafna landsins. „Þetta var einn stærsti áfanginn í sögu safnsins og gerði það að verkum að starfsemin varð fjölbreyttari, það skapaði færi á að bjóða upp á fleiri sýningar en áður,“ segir hann.
Fjórar hæðir, 12 salir
Safnið er á fjórum hæðum og sýningarsalir eru 12 talsins. Í húsakynnum Listasafnsins á Akureyri var áður rekið mjólkursamlag og ketilhús, en þessar tvær byggingar hafa nú verið tengdar saman með millibyggingu. Aðgengi er gott fyrir alla og í tengslum við safnið er rekið kaffihús, Ketilkaffi. Til viðbótar má nefna aðstöðu fyrir starfsfólk safnsins sem nú er komin á einn og sama stað og eins eru geymslur fyrir listaverk til staðar. Alls starfa 7 hjá safninu, ekki allir í fullu starfi.
Þá rekur Listasafnið þrjár vinnustofur sem eru mjög eftirsóttar en í þær sækja m.a. erlendir listamenn sem dvelja á Akureyri í mislangan tíma og starfa að sinni list. Við nýtum einnig vinnustofurnar fyrir listamenn sem eru að setja upp sýningar hjá okkur og nú dvelja þar fjórir listamenn. „Það er virkilega góð nýting á vinnustofunum og við erum ánægð með það.“
Aðsókn hefur þrefaldast eftir stækkun
Hlynur segir að aðsókn að safninu hafi stóraukist eftir stækkun. „Það má segja að á þessu ári hafi aðsókn allt að þrefaldast og hér er mikið líf alla daga. Við höfum í sumar verið að fá upp í 300 manns á dag og erum auðvitað himinlifandi yfir þessari góðu aðsókn,“ segir hann og bætir við að sýning Ragnars Kjartanssonar, The Visitors, hafi algjörlega slegið í gegn. Mikið sé um að fólk hafi gert sér ferðir sérstaklega til Akureyrar til að sjá þá sýningu.
Hlynur kveðst finna mikinn velvilja meðal bæjarbúa í garð Listasafnsins og að mikill meirihluti sé stoltur af því að öflugt listasafn sé starfandi í heimabæ þess. Listasafnið á Akureyri sé eitt af kennileitum bæjarins. „Við finnum þetta greinilega og erum þakklát fyrir það,“ segir hann. En auk þess að sýna verk í sölum safnsins eru verk í eigu þess sýnd úti í samfélaginu, í byggingum í eigu bæjarins, svo sem í skólum og víðar. „Við viljum vera partur af okkar samfélagi og fara út fyrir safnið. Við settum upp sýningu á dvalarheimilinu Hlíð sem vakti mikla athygli og ánægju íbúanna, það eiga ekki allir heimangengt og þá er mikilvægt að geta farið út til fólksins,“ segir hann.
Söguleg mynd
Myndlistarmennirnir sem tóku þátt í fyrstu sýningu Listasafnsins í ágúst 1993: Kristján Steingrímur Jónsson, Finnbogi Pétursson, Kristinn Hrafnsson, Haraldur Ingi Haraldsson fyrsti safnstjóri Listasafnsins, Kristján Guðmundsson, Þorvaldur Þorsteinsson og Kristín Gunnlaugsdóttir. Ljósmyndari Golli
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
