Lesandinn: Sif Jóhannesdóttir
Sif Jóhannesdóttir, er Lesandi vikunnar. Hún er fædd og uppalin í Eyjafirði, en hefur síðust 17 ár búið í Þingeyjarsýslu. Sif starfar sem forstöðumaður Menningarmiðstöðvar Þingeyinga, er sveitarstjórnarmaður í Norðurþingi og matvinnungur á Ærlæk um helgar.
„Móðurhlutverkinu hef ég sinnt í rúm 20 ár og það er alveg uppáhalds. Lestur hefur alla tíð verið mjög mikilvægur í mínu lífi og ég hef aldrei haft áhyggjur af að mér muni leiðast því það er til endalaust magn af góðum bókum sem ég á eftir að lesa,“ segir Sif.
Uppáhalds bók eftir erlendan höfund?
Ég á enga eina eftirlætisbók eftir erlendan höfund, ég les frekar mikið en man lítið. Þegar ég hugsa til baka er lestur bókarinnar 100 ára einsemd eftir Gabriel García Márquez eftirminnilegur. Hana las ég þegar ég lá á sjúkrahúsi með brotinn fót og gat lesið allan daginn. Ég hafði reynt að byrja á bókinni áður en komst ekkert áfram með hana. En þarna fékk ég tækifæri til að gleyma mér við lesturinn og mér fannst bókin alveg mögnuð.
Uppáhalds bók eftir íslenskan höfund?
Hér er nánast ómögulegt að nefna eina bók. Fyrst kemur upp í hugann þríleikur Jóns Kalman Himnaríki og helvíti, Harmur englana og Hjarta mannsins. Bækur sem maður týnir sér í og saknar þegar þær klárast. Þar fyrir utan þarf að fóðra „upp til heiða“torfbæjarsálina reglulega, bækur Jóns Trausta um Höllu, Dalalíf Guðrúnar frá Lundi og Sjálfstætt fólk eru fastir punktar á leslistanum.
Fyndnasta bókin?
Bók Flosa Ólafssonar Ósköpin öll, sannleikskorn úr sambúð. Þá bók las ég upphátt fyrir Svein, einn kafla á kvöldi og þá var sko mikið hlegið.
Sorglegasta bókin?
Þær eru svo margar sorglegar, en af þeim sem ég hef lesið á seinni árum þá situr Ljósa eftir Kristínu Steins í mér. Mér finnst bókin skrifuð af svo miklu innsæi og hlýju. Hún fjallar um andleg veikindi og viðbrögð aðstandenda og samfélags á tíma þegar þekkingin var minni. En þar fyrir utan hef ég lesið mikið af mjög átakanlegum bókum, sannsögulegum, sem fylla mann sorg og vanlíðan. En engin ein af þeim stendur sérstaklega upp úr.
Besta spennu/hrollvekju bókin?
Síðasta bók sem ég þorði hvorki að halda áfram að lesa eða að hætta að lesa var Auðnin eftir Yrsu. Það var eitthvað í þeirri bók sem náði mér algjörlega. Glæpasögur eru minn veikleiki og þær eru margar alveg frábærar. Eins og margir er ég sérstaklega veik fyrir skandinavískum höfundum, er einmitt núna á síðustu blaðsíðunum í nýjustu bók Jo Nesbö.
Besta barnabókin?
Ronja ræningjadóttir engin spurning. Ein af örfáum bókum sem ég hef lesið aftur og aftur, sem barn og síðan seinna sem fullorðin fyrir börn. Hún er um kvenskörung, gerist að mestu út í náttúrunni og er full af furðuverum, spennu og húmor.
Hvaða bók hefur haft mest áhrif á þig?
Sennilega Þjóðsögur Jóns Árnasonar, þær las ég spjaldanna á milli sem barn. Þá vaknaði minn áhugi á þjóðfræði. Sem hefur verið leiðarhnoð í mínu lífi síðan.
Ef þú myndir skrifa bók, hvernig bók yrði það?
Leiðinleg, ég hef lengi sagt við Svein að mig dreymi um að eyða mörgum árum í að skrifa bók um eitthvað sem engum (eða nánast engum) þyki áhugavert nema mér. Ég held að hugmyndin að baki því sé að skrifa skriftanna vegna en ekki útkomunnar vegna. Sennilega yrði það eitthvað þjóðháttalegt.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
