20. nóvember - 27. nóvember - Tbl 47
Leita að litlum vísindamönnum
Mynd/UNAK
Hefur þú einhvern tímann velt því fyrir þér hvort að börn búi yfir meðfæddri tilfinningu fyrir réttu og röngu? Rannsakendur við Sálfræðideild Háskólans á Akureyri vinna nú að rannsókn og vantar dýrmætt innlegg frá litlum vísindamönnum. Hópurinn býður því foreldrum með ungabörn á aldrinum 5,5 til 10,5 mánaða að taka þátt í þýðingarmikilli rannsókn. Um er að ræða alþjóðlega rannsókn sem er samstarfsverkefni 77 rannsóknarhópa frá 27 löndum. Greint er frá þessu á vef Háskólans á Akureyri.
Þátttaka fer fram í húsnæði Háskólans á Akureyri. „Í heimsókninni mun barnið þitt horfa á örstutt aldurshæf myndbönd með fígúrum, á meðan barnið situr þægilega í kjöltu þinni. Eftir þá skemmtilegu upplifun þá fáið þið tækifæri til að lesa saman bók ásamt því að svara könnun. Öll lotan mun taka um það bil 40 mínútur og er hægt að skipuleggja hana bæði á virkum dögum og um helgar, allt eftir hvað hentar ykkar skipulagi. Sem vott um þakklæti okkar, þá fær barnið þitt þátttökuskírteini að gjöf,“ útskýrir Hilal Sen, lektor við Sálfræðideild sem leiðir verkefnið en hún stýrir CUTE Lab sem heldur utan um rannsóknina.
Auk Hilal eru í CUTE Lab teyminu þær Hafdís Kristný Haraldsdóttir og Stefanía Guðrún Eyjólfsdóttir, stúdentar við Sálfræðideild. „Mér finnst frábært að fá tækifæri til að taka þátt í þessari merkilegu rannsókn. Það er áhugavert að velta því fyrir sér hvora fígúruna börnin muni velja, hvort þau velji þá fígúru sem hjálpar eða þá sem hindrar. Og þá hvort að börnin sjái einhvern mun á réttu og röngu svona ung. Ég bind vonir við það að félagslegt mat hjá svona ungum börnum sé farið að myndast og að þau velji sjálf, án aðstoðar foreldra eða forráðamanns hið rétta,“ segir Hafdís Kristný.
„Við lok þessa verkefnis vonumst við til þess að geta varpað ljósi á uppruna mannlegs siðferðis. Niðurstöður rannsóknarinnar munu einnig veita okkur innsýn sem mun geta stuðlað að því að sníða skilvirkar uppeldis- og kennsluaðferðir. Ég vil hvetja þau sem eiga erindi í rannsóknina að koma með okkur í þessa stórmerkilegu vegferð inn í heim barnasiðferðis og saman getum við haft þýðingarmikil áhrif,“ segir Hilal að lokum.
- Ef þú hefur áhuga á því að taka þátt í þessari vísindaferð með barninu þínu þarft þú að fylla meðfylgjandi eyðublað. Í kjölfarið mun rannsóknarhópurinn hafa samband og veita frekari upplýsingar um rannsóknina og bóka tíma fyrir þátttöku ykkar ef áhugi er fyrir hendi.
Áhugasöm geta fundið nánari upplýsingar um CUTE Lab hér.
Nýjast
-
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni.
