Leikskóladeild í Oddeyrarskóla eykur umferð um þröngar götur
Fram hafa komið áhyggjur meðal foreldra barna í Oddeyrarskóla vegna aukins umferðarþunga sem fylgir því að sett verði upp leikskóladeild fyrir24 börn í hluta skólans. Leikskóladeildin verður staðsett þar sem nú er smíðastofa skólans. Foreldrar hafa velt fyrir sér hvort nemendur fái enga smíðakennslu næstu tvö til þrjú árin, en leikskóladeildin verður sett upp til bráðabirgða þar sem fyrirsjáanlegt er að ekki verða næg leikskólarými í boði fyrir öll börn næsta haust. Alls vantar um 50 leikskólapláss á Akureyri á þeim tíma.
Meirihluti fræðslu- og lýðheilsuráðs hefur lagt til að breytingar verði gerðar í tveimur grunnskólum bæjarins til að koma þar fyrir leikskóladeildum, Í 0ddeyrarskóla og Síðuskóla. Kostnaður við að endurbætur á Oddeyrarskóla nema um 30 milljónum króna og bætist við þá upphæð kostnaður við gerð bílastæða og við kaup á búnaði. Rýmið er um 85 fermetrar að stærð og rúmar 24 börn.
Hverfið þolir ekki aukinn umferðarþunga
Margrét Þóra Einarsdóttir sem á barn í Oddeyrarskóla hefur bent á að umferð um Oddeyri aukist til muna með þessari ráðstöfun. Leikskólabörnum verði ekið í skólann, enda megi gera ráð fyrir að flest komi úr öðrum hverfum en af Eyrinni. Umferð í námunda við skólann muni aukast mjög og sjái hún með góðu móti ekki hvernig hverfið þoli þá aukningu.
Snjómokstur umhverfis skólann sé jafnan ekki sá besti í bænum, enda erfitt um vik þar sem mikil þrengsli eru fyrir hendi og bílum lagt út við götur. Mikið sé um snjóhauga hér og hvar sem byrgja sýn og þá séu gangstéttir oft og tíðum ekki ruddar. Dæmi séu þess að haugum sé mokað við gangbrautir sem geri þær algjörlega tilgangslausar.
„Göturnar á Eyrinni eru þröngar, rútur eru á ferðinni vegna skólaaksturs, það er illa rutt og gangstéttir verða oft útundar þannig að börn er á ferðinni út á götu í myrkri. Við þessar aðstæður á svo að bæta enn á umferðina í kringum skólann, mér líst alls ekki á það,“ segir hún.
Smíðastofu fórnað
Margrét Þóra segir einnig að sér þyki einkennileg ráðstöfun að fórna smíðastofu skólans sem gerir að verkum að nemendur í Oddeyrarskóli fái ekki smíðakennslu næstu ár, en slíkt sé lögbundið samkvæmt aðalnámskrá grunnskóla. Ekki sé möguleiki á að koma smíðastofu fyrir annars staðar í skólanum. „Ég og fleiri höfum velt fyrir okkur hvort þetta sé virkilega besta lausnin. Það er erfitt að sjá hvernig hægt er að réttlæta það að börn í einum bæjarhluta komist í leikskóla en önnur missi lögbundna smíðakennslu í staðinn,“ segir hún. „Ég vona svo sannarlega að þetta verði kynnt fyrir okkur foreldrum, bæði varðandi smíðakennsluna og eins hvernig á að tryggja umferðaröryggi á svæðinu.“
Nýjast
-
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar.
