30. október - 6. nóember - Tbl 44
Leikhópurinn Hnoðri í norðri tók þátt í leiklistarhátíð í Makedóníu
Jenný Lára, leikstjóri, ljósamaður, sviðsmaður, kynningarstjóri og sminka sér um að Jólakötturinn, Jón Þorsteinn Reynisson fái viðeigandi nef.
Leikhópurinn Hnoðri í norðri tók þátt í barnasviðslistahátíð sem haldin var í Makedóníu nú í ágúst. Hópurinn sýndi verkið Ævintýri á aðventunni og nú í fyrsta sinn á sviði, en verkið hefur ótal sinnum áður verið flutt í hinum ýmsu grunnskólum.
Sviðslistahópurinn Hnoðri í norðri hlaut Eyrarrósina í vor. Honum var boðin þátttaka á alþjóðlegu leiklistarhátíðinni Bitolino sem fram fór í Norður-Makedóníu en henni lauk í liðinni viku. Hátíðin er tileinkuð sviðslistum fyrir börn og ungmenni, en auk fjölbreyttra sýninga víðs vegar að úr heiminum, fara fram vinnusmiðjur, kynningar og fundir um barnamenningu.
Hnorði í norðri var stofnaður í ársbyrjun 2022 og var fyrsta sýning hópsins jólaóperan Ævintýri á aðventunni“eftir hirðskáld hópsins, Þórunni Guðmundsdóttur og var farið með það á hátíðina. Í verkinu er fylgst með systrunum Sollu (sem fylgir jólalögum og ætlar að vera „á bláum kjól“) og Gunnu (sem Solla skikkar til að vera „á nýju skónum“) í jólagjafaleiðangri, en á leiðinni hitta þær nokkrar forhertar íslenskar jólaverur. Flytjendur eru söngkonurnar Björk Níelsdóttir og Erla Dóra Vogler ásamt Jóni Þorsteini Reynissyni söngvara og harmonikkuleikara, sem einnig fer með hlutverk Jólakattarins. Leikstjóri er Jenný Lára Arnórsdóttir og búningahönnuður Rósa Björg Ásgeirsdóttir.
Á aðventunni 2022 var sýningin flutt á 25 stöðum fyrir 28 grunnskóla á Norðurlandi í samstarfi við List fyrir alla og með fjölda góðra styrkja. Tæplega 2000 börn, allt frá Vopnafirði til Hvammstanga, sáu sýninguna.
Mörg járn í eldinum
Hópurinn er með mörg járn í eldinum. Fyrir komandi jól verður Ævintýri á aðventunni sýnt í Salnum á Aðventuhátíð í Kópavogi og í beinu framhaldi í Samkomuhúsinu á Akureyri í samstarfi við Leikfélag Akureyrar. Þá er í undirbúningi mikil nýársgleðisýning til flutnings snemma árs 2024 þar sem teflt er saman íslenskum þjóðsögum tengdum nýárinu og þrettándanum og hins vegar evrópskri nýársgalahefð. Sýningin, sem hlotið hefur nafnið Skoffín og skringilmenni, verður af tvennum toga - annars vegar verður boðið upp á barnaútgáfu fyrir grunnskóla og hins vegar kabarettlegri fullorðinsútgáfu til sýningar í samkomuhúsum á Norðurlandi.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
