27. nóvember - 4. desember - Tbl 48
Lagt til að gjaldskrá velferðarsviðs hækki um 10% um áramót
Frá Akureyri Mynd Vikublaðið
Lögð var fram tillaga að breytingu á gjaldskrá velferðarsviðs Akureyrarbæjar fyrir árið 2023 á síðasta fundi ráðsins en málið var þar til umræðu. Almennt er lagt til að gjaldskrá hækki um 10%, en um er að ræða hækkun í félagslegri heimaþjónustu, heimsendum mat og matarkostnaði í skammtímaþjónustu.
Fulltrúar minnihlutaflokkanna í bæjarstjórn Akureyrar lögðu fram bókanir þar sem hækkun er mótmælt.
„Í ljósi aðstæðna í efnahagsmálum telur undirrituð afar brýnt að velferðarsvið Akureyrarbæjar reyni eftir fremsta megni að stilla gjaldskrárhækkunum í hóf,“ segir í bókun Elsu Maríu Guðmundsdóttir Samfylkingu. Skarpar verðhækkanir á öllum verðskrám hafi áhrif á tekjulága og viðkvæma hópa. „Nú þegar er t.d. verð á heimsendum mat mun hærra hjá Akureyrarbæ, sé litið til þeirra sveitarfélaga sem við berum okkur saman við,“ segir í bókun Elsu Maríu.
Alfa Dröfn Jóhannsdóttir, Framsóknarflokki segir þann flokk ekki geta samþykkt þessa hækkun.
„Við slíka gjaldskrárhækkun eins og hér er lögð til er nauðsynlegt að taka tillit til þess að um ræðir okkar viðkvæmasta hóp efnalítilla einstaklinga. Þessi hópur á ekki að líða fyrir slétta 10% hækkun á alla málaflokka.“
Gjaldskrá fyrir viðkvæma hópa verði fryst
Þá lagði Málfríður Stefanía Þórðardóttir Flokki fólksins fram bókun þar sem fram kemur að flokkurinn sé alfarið á móti því að gjaldskrá fyrir t.d. félagslega heimaþjónustu, heimsendan mat og matarkostnaði í skammtímaþjónustu hækki um 10%. Hópurinn sem nýti þjónustuna sé viðkvæmur og sérstaklega nú þegar allt annað er að hækka. „Með gjaldskrárhækkunum er höggvið í þá sem minnst mega sín. Flokkur fólksins leggur til að gjaldskrár til viðkvæmra hópa verði frystar,“ segir í bókun Málfríðar.
Nýjast
-
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun.
