6. nóvember - 13. nóvember - Tbl 45
Kostnaður við framleiðsluna vex segir Halldóra Kristín Hauksdóttir nýkjörinn formaður Deildar eggjabænda
Halldóra Kristín Halldórsdóttir nýkjörinn formaður Deildar eggjabænda. Hún rekur ásamt mági sínum, systur og sambýlismanni eggjabúið Grænegg í Sveinbjarnargerði á Svalbarðsströnd.
„Eggjabændur eru um þessar mundir á lokametrunum að uppfylla mjög kostnaðarsamar aðgerðir við bú sín, en miðað er við að búið verði að uppfylla allar reglur sem snúa að aðbúnaði og hollustuháttum eggjaframleiðslunnar fyrir mitt þetta ár,“ segir Halldóra Kristín Hauksdóttir nýkjörinn formaður deildar eggjabænda. Hún rekur ásamt fleirum eggjabúið Grænegg í Sveinbjarnargerði á Svalbarðsströnd.
Halldóra segir að um viðamiklar framkvæmdir sé að ræða fyrir eggjabændur og þær séu langt í frá sársaukalausar fyrir greinina. „Þetta eru kostnaðarsamar framkvæmdir og þess dæmi að minni framleiðendur hafi hætt búskap vegna þess að þeir treystu sér ekki til að breyta sínum búum líkt og krafist er í reglugerðinni vegna þess mikla kostnaðar sem fylgir.“
Hún segir að á sama tíma og eggjabændur standa í ströngu við að uppfylla þessar kostnaðarsömu aðgerðir við bú sín hafi öll aðföng við framleiðsluna hækkað verulega. Það sé því mjög erfitt að halda eggjaverði óbreyttu líkt og tilmæli séu um frá ráðamönnum.
Eggjaframleiðsla í góðu jafnvægi
Eggjaframleiðslan er að sögn Halldóru í góðu jafnvægi og með aukningu ferðamanna stækki markaðurinn enn frekar. „Helsta ógnin sem við eggjabændur stöndum frammi fyrir er ef farið verður út í að lækka eða fella niður tolla. Fjármálaráðherra hefur aðeins verið að tæpa á því að fari inn í tollakerfi landbúnaðarins, til þess að lækka matvælaverð og bæta kjör almennings. Það er að mínu mati ekki góð leið til að jafna kjör og lækka verðbólgu að lækka tolla. Sú aðferð leiðir til þess að ríkið missir tollatekjur og viðskiptahalli getur vaxið í kjölfar meiri innflutnings,“ segir hún. „Hvoru tveggja, minni tekjur ríkisins vegna lækkunar tolla og meiri viðskiptahalli vegna aukins innflutnings leiðir til gengislækkunar á íslensku krónunni sem aftur leiðir til hækkunar á innflutningsverði. Staðreyndin er sú að íslensk matvæli hafa hækkað minna á sl. ári heldur en víðast hvar í okkar nágrannalöndum.“
Veruleg tækifæri eru að sögn Halldóru til að auka kornframleiðslu hér á landi og eru ýmsar rannsóknir í gangi er varða framleiðslu á próteini til dýrafóðurs. Fóður til eggjaframleiðslu hefur að mestu verið flutt inn til landsins, en hún nefnir að vaxandi innlend fóðurframleiðslu yrði til hagsbóta fyrir allt samfélagið.
Þá nefnir Halldóra að allur úrgangur sem komi frá alifuglum, svínum og jafnvel fiskeldi verði í enn meira mæli en nú nýttur sem áburður í einhverri mynd. „Þannig yrðum við í framtíðinni sjálfbærari en áður varðandi áburð.“
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
