27. nóvember - 4. desember - Tbl 48
SVA kostnaður má ekki aukast
Mynd:MÞÞ
mth@vikubladid.is
Meirihluti bæjarstjórnar telur að greina þurfi betur kostnað við nýtt leiðakerfi strætó áður en til innleiðingar þess kemur Ein af forsendum fyrir endurskoðun á leiðakerfinu var að kostnaður myndi ekki aukast. Þetta kemur fram í tillögu sem Gunnar Líndal Sigurðsson L-lista lagði fram á fundi bæjarstjórnar Akureyrar.
Jana Salóme Ingibjargar Jósepsdóttir, VG hóf umræðu um almenningssamgöngur á Akureyri á fundinum og lagði fram bókun um að mikilvægt væri að hækka þjónustustig SVA og að úrfærsla á nýju leiðakerfi lægi fyrir ekki síðar en í nóvember næstkomandi svo gert væri ráð fyrir fjármögnun breytinganna í fjárhagsáætlun fyrir næsta ári. Fulltrúar minnihlutans í bæjarstjórn greiddu atkvæði með tillögunni, en meirihlutinn var á móti og tillagan því felld.
Hvar á vinnuaðstaða bílstjóranna að vera?
Í tillögu Gunnars kemur fram að dregist hafi að koma á talningarkerfi sem talið er að geti gefið mikilvægar upplýsingar sem eiga að liggja til grundvallar breytingu á leiðakerfinu. „Æskilegt er að meta í samhengi kolefnisspor við rekstur strætisvagnakerfi í samanburði við aðra samgöngumáta svo sem einkabíl, reiðhjól, hlaupahjól og fótgangandi,“ segir í tillögunni.
Þá segir ennfremur að meirihlutinn telji að sem fyrst þurfi að liggja fyrir hvar eigi að koma upp vinnuaðstöðu fyrir bílstjóra strætisvagna og var umhverfis- og mannvirkjaráði falið að leggja fram tillögur þar um fyrir 1. desember næstkomandi.
Tillaga Gunnars var samþykkt með atkvæðum sex fulltrúa meirihlutans í bæjarstjórn gegn fjórum atkvæðum minnihlutans, en annar fulltrúi Framsóknarflokks sat hjá.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
