6. nóvember - 13. nóvember - Tbl 45
Konur gefa síður blóð en karlar -Átak til að fjölga konum í hópi blóðgjafa
Glaðbeittir hjúkrunarfræðingar hjá Blóðbankanum, Hanna, Þóra, Hrafnhildur og Birgitta kynna starfsemi bankans á Glerártorgi og taka á móti nýskráningum. Þær vilja fjölga konum í hópi blóðgjafa og hvetja allar konur á aldrinum 18 til 65 ára að kanna hvort þær geti gerst blóðgjafar.
Mynd MÞÞ
Verulega hallar á konur þegar kemur að blóðgjöfum, en einungis tvær konur eru á móti sex körlum í hópi blóðgjafa hér á landi. Bilið milli karla og kvenna í nágrannalöndum okkar er mun minna, þar eru konurnar fleiri. Áform eru uppi um að breyta þessu og fá fleiri konur til að gefa blóð.
Blóðbankinn á Akureyri er starfandi á 2. hæð á Glerártorgi og var nú nýlega bætt við fjórða hjúkrunarfræðingnum sem þar starfar, en Birgitta Hafsteinsdóttir einn starfsmanna bankans segir að starfsemin hafi aukist undanfarið. „Við erum líka að auka svigrúmið til að fara í markaðs- og kynningarmál, en nú erum við um það bil að hefja kynningar á okkar starfsemi hjá fyrirtækjum og í skólum,“ segir hún.
Vantar fleiri konur
Stefnt er að því að fjölga konum í hópi blóðgjafa og eru starfsmenn Blóðbankans á Akureyri þessa dagana að kynna starfsemi bankans og hvað felst í því að vera blóðgjafi og fara í því skyni i í fyrirtæki og skóla. „Við viljum endilega fá fleiri konur til liðs við okkur,“ segir Birgitta, en frá árinu 2004 hafa um 1200 konur á Akureyri skráð sig sem blóðgjafa og er aðeins hluti þeirra virkur.
„Það er lífseig mýta að konur megi ekki gefa blóð en því fer fjarri, margar þeirra eru fullfærar um það,“ segir hún. Konur mega gefa blóð allt að þrisvar sinnum á ári en karlmenn fjórum sinnum.
Aukning á milli ára
Í starfsstöð Blóðbankans á Glerártorgi hefur safnast um 20% af allri heilblóðsöfnun á Íslandi sem er vel að verki staðið að sögn Birgittu. „Við erum sífellt að auka framlag okkar, en viljum þó alltaf gera betur og bæta talsvert við blóðgjafahópinn okkar,“ segir hún. Árið 2021 bættust 172 nýir blóðgjafar í hópinn og það sem af er þessu ári hefur bankinn fengið til liðs við sig 220 nýja blóðgjafa. „Það er gleðilegt að sjá þessa aukningu.“
Birgitta segir fyrirsjáanlegt að aukning verði í heilblóðsöfnun á þessu ári, í fyrra söfnuðust um 2037 heilblóðseiningar en það sem af er þessu ári hafa safnast 1626 heilblóðseiningar. „Við munum örugglega sjá aukningu hjá okkur á milli ára, það stefnir allt í það.“
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
