Kennsla á haustönn í VMA hefst i dag
Kennsla hefst samkvæmt stundaskrá í VMA í dag á nýju skólaári. Á haustönn hefja 930 nemendur nám í dagskóla, þar af 200 nýnemar.
Síðastliðið haust hófst kvöldskóli í húsasmíði og sá nemendahópur mun halda áfram námi sínu í vetur.
Á haustönn hefst nám í framreiðslu (þjónn), matreiðslu (3. bekkur að loknu grunnnámi og 2. bekk) og þá er stefnt að námi í kjötiðn á vorönn.
Miðað er við að námið í matreiðslu og framreiðslu hefjist um miðja haustönn og því ljúki á miðri vorönn. Slíkt fyrirkomulag hefur ekki verið reynt áður en í góðu samráði við veitingageirann hefur verið ákveðið að hafa þennan háttinn á, í ljósi þess að fyrstu og síðustu mánuðir ársins eru jafnan rólegustu mánuðurnir á veitingahúsunum (að desember undanskildum).
Fyrir nokkrum árum fékk VMA heimild til þess að fullmennta bæði matreiðslu- og framreiðslufólk og hefur sú heimild verið nýtt til þess að fullmennta matreiðslumenn en þetta er í fyrsta skipti sem nægilega margir hafa skráð sig til þess að hefja nám í framreiðslu. Ari Hallgrímsson, brautarstjóri matvælabrautar, segir að tíu hafi skráð sig í nám í 3. bekk í matreiðslu og 13 í 2. bekk í framreiðslu.
Þá er stefnt á að á vorönn byrji nýr námshópur í pípulögnum, sem er hluti af námi í byggingadeild, en síðasti námshópur í þeirri iðngrein lauk sínu námi sl. vor.
Á liðnu skólaári hófst samstarf VMA og Borgarholtsskóla í Reykjavík um nám í bifvélavirkjun og það samstarf heldur áfram í vetur.
Frá þessu er greint á heimasíðu skólans.
Nýjast
-
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því.
