Kanna fýsileika þess að flytja stjórnsýsluna
Byggðarráð Norðurþings samþykkti í síðustu viku tillögu frá Hjálmari Boga Hafliðasyni forseta sveitarstjóra um að hefja viðræður við fulltrúa Gb 5 um nýtingu sveitarfélagsins á húsnæðinu að Garðarsbraut 5 sem í daglegu tali er kallað Kaupfélagshúsið.
Hjálmar segir í samtali við blaðið að um langtímaverkefni sé að ræða. „Húsnæðið sem við erum í í dag [stjórnsýsluhúsið á Húsavík] er komið til ára sinna og kannski kominn tími á að endurskoða hvað við þurfum marga fermetra og hvernig skrifstofurými við viljum hafa,“ segir Hjálmar og leggur áherslu á að þetta sé aðeins á samræðustigi enn þá.
Vill skoða samlegðaráhrif
„Ég sé samlegðaráhrif í því að skoða þennan möguleika í samráði við Gb5 hvort við getum fengið inni hjá þeim með skrifstofur. Með sameiginlegum rýmum með annarskonar skrifstofum sem eru þar,“ útskýrir Hjálmar og bætir við að tillagan snúist fyrst og fremst um hægkvæmni, að kanna hvort hægt sé að spara með þessari leið.
Þá veltir Hjálmar því fyrir sér hvort fasteignin sem hýsir stjórnsýsluna í dag gæti nýst einhverjum öðrum betur. „Það eru kostir að stjórnsýsluhúsið er með tvö fasteignanúmer, þess vegna söluvæn fasteign myndi ég halda.“
Óhentugt húsnæði
„Nú er ég búinn að vera hér í þessu húsi síðan 2010, mín upplifun sem kjörinn fulltrúi sem kemur hér inn á fundi og tala við fólk, þá er þetta ekki endilega praktískasta húsnæðið. Fundarsalurinn finnst mér t.d. ekki skemmtilegur,“ segir Hjálmar.
Endurbætur standa nú yfir í húsnæðinu að Garðarsbraut 5 og er frekari uppbygging í farvatninu. „Þá sé fyrir mér samlegðaráhrif, að fulltrúar Gb5 hanni þá uppbyggingu með þarfir sveitarfélagsins í huga,“ segir Hjálmar.
Hugar að aðgengismálum
Varðandi aðgengi fyrir hreyfihamlaða segir Hjálmar að nú þegar sé fyrirhugað að koma fyrir lyftu í húsnæðinu að Garðarbraut en aðgengismál í stjórnsýsluhúsinu séu í dag ekki viðundandi.
„Við erum með tvær hæðir hér í stjórnsýsluhúsinu og það er ekki aðgengi fyrir fatlaða að efri hæðinni með lyftu, þar er skrifstofa sveitarstjóra og fjármálastjóra,“ segir Hjálmar og bætir við að lokum að það sé hans upplifun að núverandi húsnæði sé ekki hentugt
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
