Jólamyndir fyrir alla fjölskylduna
Jólablað Vikudags er fylgiblað hins hefðbundna Vikudags. Vikudagur sjálfur er borinn í hús til áskrifenda og seldur í lausasölu eins og endranær en Jólablaðið fer í mun víðari dreifingu. Blaðið var, líkt og undanfarin ár, unnið af nemendum í námskeiðinu Prentmiðlun við Háskólann á Akureyri. Bragi V. Bergmann, hjá FREMRI Almannatengslum, bar ábyrgð á námskeiðinu að þessu sinni og þakkar nemendum sínum gjöfult samstarf og góð kynni. Nemendurnir sem komu að vinnslu blaðsins voru níu talsins, ýmist staðarnemar eða fjarnemar í HA. Átta þeirra eru í fjölmiðlanámi en einn í sálfræðinámi. Vikudagur.is mun birta greinar úr jólablaðinu yfir hátíðarnar.
Jólamyndir fyrir alla fjölskylduna
Nú styttist í jólin og þá getur verið gott að taka smá tíma frá öllu stressi og horfa á kvikmyndir með fjölskyldunni. Oft reynist erfitt að ákveða hvaða mynd skal horfa á. Til eru fjöldinn allur af kvikmyndum sem tengjast jólunum á einhvern hátt og því er erfitt að velja. Hér eru nokkrar hugmyndir að kvikmyndum sem ættu að koma allri fjölskyldunni í gott jólaskap.
The Polar Express (2004)
Ungur drengur lendir í töfrandi ævintýri þegar hann ferðast til norðurpólsins með lest. Á leiðinni lærir hann margt um lífið og tilveruna. Hann áttar sig á því hvað sönn vinátta er, hvernig á að vera hugrakkur og hver hinn sanni jólaandi sé.
The Santa Clause (1994)
Þegar Scott Calvin tekst á ótrúlegan hátt að verða jólasveininum að bana á aðfangadag, tekur hann starfið í sínar hendur og reynir að bjarga jólunum. Algjört jólaævintýri þar sem álfar búa til gjafir fyrir börnin, hreindýrin fljúga með sleða jólasveinsins og önnur kraftaverk gerast. Frábær mynd fyrir alla fjölskylduna.
How the Grinch Stole Christmas (2000)
Bandarísk ævintýramynd byggð á frægri sögu eftir Dr. Seuss um furðuveruna Trölla sem reynir að stela jólunum frá íbúum lítils bæjar í ævintýralandi þar sem jólin eru haldin hátíðleg. Trölli lærir ýmislegt um jólin, þau snúast ekki um steikina, trén eða pakkana heldur kærleikann í hjörtum manna.
Home Alone (1990)
Fjölskylda ein leggur af stað í ferðalag um jólin. Foreldrunum tekst á ótrúlegan hátt að gleyma 8 ára syni sínum, honum Kevin, heima og þarf hann að bjarga sér. Ástandið versnar hins vegar þegar ræningjar reyna að brjótast inn á heimilið. Drengurinn gerir allt til þess að passa húsið fyrir jólaræningjunum.
Jack Frost (1998)
Jack missir af íshokkýleik sonar síns og lofar honum að fjölskylda mundi fara í ferð saman um jólin í staðinn. Það loforð getur Jack ekki efnt því hann deyr í hræðilegu bílslysi. Einu ári seinna snýr hann aftur í líkama snjókarls. Hann gerir allt til þess að laga samband sitt við son sinn áður en hann bráðnar og verður horfinn fyrir fullt og allt. Falleg kvikmynd sem snýst um samband fjölskyldunnar og jólin.
Jingle All the Way (1996)
Howard Langston lofar að gefa syni sínum nýtt dót sem er Túrbó-Maðurinn í jólagjöf. Hann gleymir að kaupa gjöfina og þá eru góð ráð dýr. Túrbó- Maðurinn er uppseldur í öllum búðum bæjarins. Howard ferðast um allan bæ í leit að síðasta eintakinu svo hann geti staðið við loforðið. Hann leggur mikið á sig og lendir í alls konar ævintýrum á leiðinni.
Home Alone 2 (1992)
Myndin gerist einu ári eftir að fjölskyldan gleymdi Kevin heima um jólin. Að þessu sinni tekst Kevin að villast í New York þar sem hann þarf enn og aftur að bjarga sér. Vandræðagangur hans eykst þegar hann rekst á sömu ræningjana og reyndu að ræna hann árið áður. Home Alone-myndirnar klikka aldrei, þær eru frábær skemmtun fyrir alla fjölskylduna.
Ingvi Örn Friðriksson
Nýjast
-
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar.
