Jólamarkaður í Skógarlundi um næstu helgi
Jólamarkaðurinn í Skógarlundi verður haldinn um næstu helgi, 2. og 3 desember. Opið verður á föstudag frá 14 til 16 og laugardag frá 11 til 16.Vörurnar verða einnig í boði á Glerártorgi í næstu viku eða dagana 28. og 29. nóvember frá kl. 13 til 15.30.
„Með því að bjóða fólk velkomið á markaðinn langar okkur að auka sýnileika og tengsl við samfélagið,“ segir Ragnheiður Júlíusdóttir forstöðumaður Skógarlundar, miðstöðvar virkni og hæfingar á Akureyri. Þar er rekin verslun sem opin er alla virka daga milli kl. 9 og 15.30.
Íí Skógarlundi er einstaklingum með langvarandi stuðningsþarfir boðin þjónusta í formi vinnu og virkni. Daglega koma 45 einstaklingar á hæfingastöðina og boðið er upp á hálfs dags þjónustu annað hvort fyrir eða eftir hádegi.
Skógarlundi er skipt upp í sex aðal starfsstöðvar sem eru: Skapandi starf, vinnuþjálfun, tölvur og rofar, smíðar og handverk, gagnaeyðing og hreyfing. Aðrar starfsstöðvar eru: Tjáskipti, skynörvun og reynsluboltar. „Öllum stendur til boða að fara á allar starfsstöðvarnar og markmiðið með því er að auka fjölbreytni og að geta mætt þörfum allra sem best,“ segir Ragnheiður. „Í skapandi starfi, smíðum og á tjáskiptastöð búum við til vörur sem seldar eru á jóla – og vormörkuðum okkar.“
Hugmyndin á bak við vörurnar sem búnar eru til í Skógarlundi er vinna og virkni „og að allir fái tækifæri til að skapa og upplifa ánægju af því að vinna með margskonar efni og áhöld,“ segir hún. Verkefnin séu mjög fjölbreytt og markmiðið að allir geti tekið þátt. Flest verkanna eru samvinnuverkefni og því margir sem leggja hönd á hvert listaverk sem framleitt er.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
