20. nóvember - 27. nóvember - Tbl 47
Improv Ísland aftur til Akureyrar
Á laugardagskvöld klukkan 20 er dúkað fyrir magnaða upplifun í Samkomuhúsinu á Akureyri þegar spunaleikhópurinn Improv Ísland treður upp.
Improv Ísland er leikhópur sem sérhæfir sig í langspuna. Hver sýning er spunnin á staðnum út frá einu orði frá áhorfendum og ekkert er ákveðið fyrirfram. Hvorki óahorfendur né leikarar vita því hvað mun gerast. Improv Ísland hefur sérhæft sig í nokkrum mismunandi formum langspunans, m.a söngleikjaspuna þar sem heill söngleikur er spunninn á staðnum. Á hverri sýningu eru sýnd mismunandi form langspuna.
Spunaleikhópurinn hefur hlotið mikið lof fyrri fyndnar, óútreiknanlegar og kraftmiklar sýningar. Troðfullt var á allar sýningar hópsins síðasta vetur í Þjóðleikhúskjallaranum. Hópurinn var tilnefndur til Grímuverðlaunanna 2016 sem Sproti ársins.
„Spunaleikararnir einbeita sér að núinu og rannsaka það á sviðinu í senunum. Þeir nota efni úr sínu lífi, umhverfi og samtíma til að byggja upp senurnar,“ segir Ásrún Magnúsdóttir, framkvæmdastjóri leikhópsins.
Hún segir að upphafspunktur sýninganna getui verið margs konar. „Við byrjum oft á að fá orð úr sal til þess að áhorfandinn finni skýrt fyrir því að ekkert hafi verið ákveðið fyrirfram,“ segir Ásrún og bætir við: „Núna erum við á leiðinni til Akureyrar og ætlum að sýna eina sýningu í Samkomuhúsinu. Við hlökkum mjög til þess að koma! Við komum líka í fyrra og það var heldur betur stemning.“
Hópurinn hefur komið fram víðsvegar um landið og í Bandaríkjunum á síðastliðnum árum við mjög góðar undirtektir.
Listrænn stjórnandi er Dóra Jóhannsdóttir
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
