20. nóvember - 27. nóvember - Tbl 47
Iðnaðarsafnið á Akureyri Kraftur í smíði líkana af sögufrægum skipum
Þorsteinn Arnórsson fyrrverandi safnstjóri Iðnaðarsafnsins og Elvar Þór Antonsson sem er að smíða líkan af Húna. Verkið er langt komið og verður afhjúpað við hátíðahöld í tengslum við sjómannadaginn.
Verið er að leggja lokahönd á smíði líkans af eikarbátnum Húna sem fagnar 60 ára afmæli sínu á vordögum. Það verður afhjúpað við athöfn sem efnt verður til við hátíðarhöld í tengslum við sjómannadaginn í byrjun júní. Elvar Þór Antonsson á Dalvík smíðar líkanið af Húna og er það svo gott sem tilbúið að sögn Sigfúsar Ólafs Helgasonar safnstjóra Iðnaðarsafnsins.
Við athöfnina verður þess einnig minnst að 80 ára eru liðin frá því Sæfell EA var smíðað, en bæði voru skipin smíðuð hjá Skipasmíðastöð KEA. „Þetta verður mikil veisla og við munu heiðra minningu þessarar skipa og áhafna þeirra. Þá má ekki gleyma Hollvinum Húna sem eiga heiður skilinn fyrir að hlú svo vel að bátnum sem raun ber vitni. Þess ber líka að geta að hjónin Erna Sigurbjörnsdóttir og Þorvaldur Skaptason björguðu Húna á sínum tíma frá því að lenda á ármótabrennu á Seyðisfirði.“
Stellurnar komu frá Færeyjum og urðu Svalbakur og Sléttbakur
Sigfús segir Iðnaðarsafnið í samstarfi við ÚA sjómenn vera með tvo stóra bolta á lofti auk Húnaverkefnisins. Annars vegar stendur yfir söfnun sem snýst um að smíða líkan af skipum sem nefndust á sinni tíð Stellurnar. ÚA keypti togarana frá Færeyjum, tvö sams konar skip, Stellu Karinu og Stellu Kristínu. Fimmtíu ár verða 1. nóvember næstkomandi liðin frá því skipin komu til Akureyrar og fengu nöfnin Svalbakur og Sléttbakur . „Þetta voru glæsileg skip, að margra mati fallegustu togarar í íslenska flotanum og því verður mikill fengur fyrir okkur að eignast líkan af slíku skipi. Við erum að safna fyrir þessu en vantar herslumuninn,“ segir hann. Stefnt er það því að skrifa undir samning um smíði líkansins 17. maí næstkomandi, en þann dag árið 1947 kom Kaldbakur, fyrsti togari ÚA í fyrsta sinn til Akureyrar. . Elvar Þór, sá sem nú leggur lokahönd á smíði líkans af Húna mun einnig smíða líkan af annarri Stellunni.
Þá nefnir Sigfús að á næsta ári, 19. desember árið 2024 verði liðin 50 ár frá því ÚA fékk svonefnda Spánverja til Akureyrar, en um var að ræða togarana, Kaldbak og Harðbak sem smíðaðir voru á Spáni. „Við viljum einnig minnast þeirra tímamóta og stefnum á að hefja söfnun fyrir líkani af Kaldbak/Harðbak sem yrði tilbúið fyrir jólin á næsta ári.“
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
