30. október - 6. nóember - Tbl 44
Hvað ef?
Regína Ólafsdóttir er sérfræðingur í klínískri sálfræði og starfar hjá Heilsu- og sálfræðiþjónustunni
· Hvað ef það er kónguló í skónum mínum?
· Hvað ef ég bakka á staur?
· Hvað ef ég dett?
· Hvað ef allir hlæja að mér?
· Hvað ef lyftan festist?
· Hvað ef ég er að fá hjartaáfall?
· Hvað ef geitungur stingur mig?
· Hvað ef ég geri mistök?
· Hvað ef kjúklingabein festist í hálsinum á mér?
· Hvað ef það eru sýklar á þessu sem ég var að snerta?
· Hvað ef ég hendi óvart 10.000 kalli í ruslið?
· Hvað ef ég ræð ekki við þetta?
Fannst þú fyrir kvíða þegar þú last þessar hugsanir?
Það er ekkert skrítið. Þetta eru nefnilega allt hugsanir sem gera okkur kvíðin, svokallaðar kvíðahugsanir.
Kvíðahugsanir geta verið áhrifaríkar. Þær koma stundum í veg fyrir að við gerum það sem okkur langar til. Þessar hugsanir eiga það margar sameiginlegt að byrja á orðunum “hvað ef”. Stundum koma þær nokkrar í röð og enda á hræðilegum spádómi.
Hræðilegi spádómurinn er það sem veldur mestum kvíða. Hugsunin sem fyrst kemur upp í hugann, til dæmis þær sem taldar voru upp hér að ofan, virðast ekki mjög ógnvekjandi en á eftir þeim geta komið hugsanir sem eru verri og verri þar til sú síðasta sprengir hræðsluskalann.
Til dæmis:
1) Hvað ef ég geri mistök
2) Hvað ef einhver tekur eftir því
3) Hvað ef aðrir sjá að ég er vitlaus
4) Mér verður hafnað
Síðasta hugsunin er sú sem hræðir okkur mest. Sú hugsun snýst oft um að við deyjum eða einhver nákominn okkur deyji, að aðrir dæmi okkur/hafni eða yfirgefi. Hún snýst um það allra versta sem við getum ímyndað okkur. Oft er þessi spádómur afar ólíklegur og við áttum okkur fljótt á því. Í einhverjum tilvikum getum við jafnvel hlegið að vitleysunni sem okkur datt í hug. En einstaka sinnum festumst við og náum ekki að átta okkur á hversu óraunverulegur spádómurinn er. Því miður er það svo auðvitað að það sem við óttumst er ekki endilega ólíklegt. Til dæmis þegar við eða okkur nánustu glíma við alvarlegan sjúkdóm. Þá þarf annars konar nálgun en þeirri sem ég segi frá í þessari grein.
Það eru til margar gagnlegar leiðir til að glíma við kvíða. Til dæmis hefur hugræn atferlismeðferð reynst gagnleg til að glíma við ýmsar kvíðaraskanir. Í þeirri meðferð er unnið markvisst með að skoða hugsanir sem valda kvíða, skora á þær, horfast í augu við þær og farið í aðstæður sem valda kvíða. Oft er hægt að ná góðum tökum á kvíða þegar unnið er markvisst með hann í 6-12 sálfræðiviðtölum. Einnig eru margir sem velja frekar námskeið eða hópmeðferð og takast á við kvíðann, samferða öðrum með sambærilegan vanda.
Þegar við erum kvíðin þá erum við oft að spá það versta sem gæti gerst. Oft er kvíðinn viðráðanlegur og við getum nokkuð auðveldlega tekist á við hann. Við getum til dæmis spurt okkur:
· Hvað ef allt fer vel?
· Hvað er það besta sem getur gerst?
En stundum tekst okkur ekki að takast á við kvíðann án aðstoðar til dæmis frá okkar nánustu og/eða fagaðilum. Þá eru fyrstu skrefin að átta sig á hvað við erum hrædd við. Fyrsta hugsunin er ekki endilega það sem við óttumst mest. Sú hugsun liggur oft í leyni og við þurfum að skoða vel hugsanir okkar til að finna hana. Árangursríkasta aðferðin er að skoða og skora á þessa verstu hugsun þangað til við erum komin með hjálplegri hugsanir og aðferðir sem annað hvort losa okkur við kvíðann eða gera hann viðráðanlegri.
Hvað ef ég er stungin af geitungi, meiði mig en jafna mig svo?
Hvað ef það er kónguló í skónum mínum og hún er bara lítil og sæt?
Regína Ólafsdóttir
Höfundur er sérfræðingur í klínískri sálfræði og starfar hjá Heilsu- og sálfræðiþjónustunni
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
