Hugmyndir um fjölmarga staði fyrir hverfahleðslustöðvar
Norðurorka og Akureyrarbær hafa í sameiningu sett fram hugmyndir um fjölmarga staði fyrir hverfahleðslustöðvar þ.e. staði víða um bæinn þar sem gæti hentar vel að setja upp hleðslustöðvar fyrir rafbíla.
„Markmiðið er annars vegar að bæta þjónustu við íbúa og að draga úr þörfinni fyrir að hvert og eitt heimili komi sér upp eigin hleðslustöð, því að slíkar stöðvar hafa takmarkaða nýtingu og í sumum hverfum gæti það skapað álag á dreifikerfið umfram það sem æskilegt er. Hins vegar að bæta þjónustu við ferðamenn enda fjölgar þeim ört sem hingað koma á rafbílum og við sjáum það á stórum ferðahelgum núna í vetur að það er mikil ásókn í þær hleðslustöðvar sem þegar eru komnar í gang á Akureyri,“ segir Andri Teitsson formaður umhverfis- og mannvirkjaráðs, en minnisblað um áform vegna uppsetningar hverfishleðslustöðva á Akureyri var lagt fram á fundi ráðsins nýverið.
Andri segir að nærtækustu staðir fyrir hverfahleðslu eiga það sameiginlegt að þar er gott aðgengi að raforku, nóg pláss fyrir bílastæði eða það jafnvel nú þegar fyrir hendi, og að staðurinn myndi henta mörgum. „Ekki spillir fyrir að á sumum þessara staða standa framkvæmdir fyrir dyrum og því tilvalið að setja upp hleðslustöð í leiðinni,“ segir hann.
Um það bil 20 staðir víðs vegar um bæinn koma helst til álita, en mun fleiri staðir koma einnig til greina. Sem dæmi um áhugaverða staði má nefna Merkigil, Strandgötu og Skógarlund.
Gert er ráð fyrir að leita til raforkufyrirtækja um samstarf við uppsetningu og rekstur stöðvanna
Nýjast
-
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi.
