6. nóvember - 13. nóvember - Tbl 45
Hrísey og Grímsey hljóta veglegan styrk úr Framkvæmdasjóði ferðamannastaða
Frá Hrísey Mynd akureyri.is
Á föstudag var tilkynnt að 28 verkefni hljóti styrk úr Framkvæmdasjóði ferðamannastaða 2023 fyrir alls 550 milljónir. Verkefnið "Hrísey - greið leið um fornar slóðir" hlaut 27 milljónir króna og "Grímsey - bætt upplifun og öryggi" hlaut 6,8 milljónir króna, hvort tveggja eru verkefni sem Akureyrarbær sótti um fyrir hönd eyjanna.
Framkvæmdasjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Heimilt er að fjármagna framkvæmdir sem snúa að öryggi ferðamanna, náttúruvernd og uppbyggingu, viðhaldi og vernd mannvirkja.
Hér að neðan eru nánari upplýsingar um verkefnin.
Hrísey - greið leið um fornar slóðir
Hrísey er vinsæl til útivistar og eru þar nokkrar merktar gönguleiðir. Unnið hefur verið að uppbyggingu gönguleiðanna undanfarin ár og fyrir síðustu áramót var lokið við áningarstaðinn Háborðið sem tengir nokkrar gönguleiðir í eyjunni, verkefni sem einnig var styrkt af Framkvæmdasjóð ferðamannastaða.
Verkefnið að þessu sinni snýr að lengstu gönguleiðinni, þeirri rauðu (sjá kort). Leiðin sem um ræðir er um 3.200 metrar og fylgir að mestu „kindagötum“ sem á köflum eru orðnar mjög hættulegar þar sem sjórinn hefur grafið undan bökkum. Stefnt er að því að gera 1,2 metra breiðan stíg með salla, færa hann þar sem þess er þörf lengra frá ströndinni, huga að öryggismálum, jarðvegs- og vatnsrofi, og bæta aðgengi fyrir sem flesta og opna svæðið fyrir fleiri útivistarhópa, gangandi, hjólandi og skíðandi.
Rauða leiðin er m.a. áhugaverð hvað varðar sögu og náttúrufyrirbrigði. Þar má sjá þústir af bænum Hvatastöðum sem talinn er með fyrstu búsetustöðum landnámsmanna í Eyjafirði. Á leiðinni eru einnig margar sérstakar klettamyndanir, til að mynda Borgarbrík sem er með fallegri stöðum í eynni.
Grímsey – bætt upplifun og öryggi
Verkefnið felst í því að gera göngustíg frá þorpinu að afleggjaranum að flugstöðinni, leið sem nú þegar má sjá móta fyrir að hluta. Markmið verkefnisins er að bæta upplifun gesta og öryggi með því að stýra þeim af akveginum og færa þá nær náttúrunni og áhugaverðum stöðum á þessari leið, m.a. Sandvíkurtjörn, klettadröngum og víkum, haug Gríms landnámsmanns og konu hans, að skjólvegg og útsýnisstað með meiru, sjá kort af leiðinni.
Gera þarf um 1,2 metra breiðan sallarstíg sem verður um 760 m langur frá tjörninni norðan við þorpið og að veginum upp að flugvellinum en þaðan heldur fólk áfram eftir malarveginum til norðurs í átt að Básavíkinni og heimskautsbaugnum.
Verkefnið mun minnka álag og núning milli gesta og heimafólks, en akvegurinn sem göngustígurinn leysir af, er mikið notaður sérstaklega í ferju- og flugstoppi og því mikill hagur fyrir heimafólk að beina gestum yfir á göngustíginn.
Einnig verður gerður áningarstaður við Básavíkina sem er einn af mest heimsóttu björgum eyjarinnar, tilkomumikill staður með háum björgum og miklu fuglalífi. Þar verður byggður skjólvegg fyrir ríkjandi átt, með bekk og upplýsingaskilti um fuglalífið og hættuna sem stafar af lundaholunum og snörpum vindkviðum við björgin. Áningarstaðurinn verður þar sem hann truflar fuglalífið og útsýnið sem minnst. Notað verður náttúruleg efni úr eyjunni í skjólvegginn svo hann falli sem best að umhverfinu.
Frá þessu er sagt á www.akureyri.is
Nýjast
-
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma.
