Hönnunar- og handverksmessa í sal Rauða krossins
„Í fjarveru stórrar handverkshátíðar sem hefur gefið og glatt, og er saknað, er sjálfgefið að bretta upp ermar og skapa sinn eigin farveg,“ segja þær Kristín S. Bjarnadóttir og Hulda Ólafsdóttir sem skipulagt hafa Hönnunar- og handverksmessu.
Hún er haldin í sal Rauða krossins, Viðjulundi 2 á Akureyri um helgina, var opnuð í gær og verður opin frá 11 til 17 í dag, sunnudag.Um er að ræða fjölbreytta sölusýningu þar sem markaðsstemning ræður ríkjum, frítt er inn, heitt á könnunni í boði Nýju kaffibrennslunnar og margt fallegt að sjá og skoða af skapandi vörum af ýmsu tagi.
Kristín og Hulda hafa tvívegis áður efnt til Hönnunar- og handverksmessu og segja að vel hafi verið tekið við þeim viðburðum. „Við vonum sannarlega að svo verði einnig nú, við finnum að fólk hefur áhuga fyrir að líta við, handverkshátíðin hefur skipað stóran sess hjá mörgum sem þótt hefur ómissandi að líta þar við. Nú getur fólk glatt hjarta sitt með því að líta til okkar um helgina og sjá hvað er í boði hjá þeim sem taka þátt að þessu sinni,“ segja þær.
Alls 13 aðilar taka þátt nú og eiga þeir það sameiginlegt að sinna sköpunarvinnu sinni hver á sínum stað. „Við erum öll að vinna ein, því er svo mikilvægt að skapa vettvang fyrir fólk til að koma saman og kynna varning sinn, bera saman bækur, kynnast hvert öðru og búa til tengslanet. Reynslan sýnir að það gefur okkur öllum mikið,“ segir Kristín.
Hugmyndin kviknaði fyrst fyrir tveimur árum þegar ljóst var að Handverkshátíð yrði ekki á Hrafnagili vegna kórónuveirunnar. Litlir sameiginlegir markaðir handverksfólks af Norðurlandi voru haldnir með þeim takmörkunum sem þá voru í gildi, grímuskyldu og ákveðnum fjölda í rými. „Þetta gekk upp og allir voru ánægðir. Nú er engar takmarkanir í gangi og við finnum fyrir vaxandi stemmningu. Við eigum von á fjölda gesta sem mæta örugglega allir með góða skapið,“ segir Hulda.
Í boði verður varningur af margvíslegu tagi, handverk, hönnunarvörur, matarhandverk og drykkjarvörur. „Þetta er góður tími til að kynna sínar vörur, frá hausti fram til jóla er yfirleitt okkar tími sem erum í þessum bransa.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
