Heildarframkvæmdum verði lokið vorið 2024
gunnar@vikubladid.is
Sigrún Björk Jakobsdóttir framkvæmdastjori Isavia Innanlandsflugvalla segir í samtali við Vikublaðið að viðbygging við flugstöðina á Akureyri muni rísa von bráðar, von sé á stáli í grind hússins í byrjun maí.
,,Það tekur síðan nokkra mánuði að reisa húsið og ganga frá því en verkáætlun miðar að því að viðbyggingin verði tilbúin í árslok. Þá verður hafist handa í eldri hlutanum og honum breytt. Það verður töluverð breyting þar hvað varðar flæði farþega og nýtingu rýma. Og heildarframkvæmdin ætti að vera lokið vorið 2024,“ segir Sigrún Björk og bætir við að framkvæmdum við flughlaðið miði vel.
Um þessar mundir er verið að vinna í efra burðarlagi og er útboðsferli á malbiksframkvæmd nú þegar í gangi. Sigrún Björk segir að því megi reikna með að nýja hlaðið verði malbikað í sumar. Einnig verði gengið frá ljósum og slíkum búnaði. „Þannig að það verður hægt að taka það í notkun í byrjun haustsins“.
Viðræður um fyrirkomulag veitingasölu og fríhafnar
Nýverið var auglýst eftir áhugasömum aðilum til samræðna um rekstur á veitingasölu og fríhöfn. Sigrún Björk segir að Isavia hafi haft áhuga á að bjóða hvort tveggja út í einu lagi en koma verði í ljós hvor leiðin verði farin.
„Við bíðum eftir svörum frá þeim sem tóku gögnin og hefjum síðan samtalið um það hvaða leið verður fyrir valinu. Þarna verður mjög áhugavert rekstrartækifæri í boði fyrir réttan aðila því að við sjáum aukinn áhuga á Akureyrarflugvelli frá erlendum flugfélögum sem vonandi verða að veruleika á næstu árum“, útskýrir hún.
Gert ráð fyrir fjölgun lóða
Breytingartillaga á deiliskipulagi hefur verð lögð inn til Akureyrarbæjar en samkvæmt tillögunni verður lóðum fjölgað fyrir minni flugskýli og jafnframt verði skilgreindar þrjár lóðir vestan við nýja hlaðið fyrir stór flugskýli. „Við erum að vonast eftir fjármunum á næstu samgönguáætlun til að gera þær lóðir byggingarhæfar og þá verða þær auglýstar í framhaldinu og það verður áhugavert að sjá hvort að það verði eftirspurn eftir því að byggja stór skýli á flugvellinum. Þannig að ég er bara mjög bjartsýn á vöxt flugvallarins og framtíð hans,“ segir Sigrún Björk að lokum.
Nýjast
-
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma.
