20. nóvember - 27. nóvember - Tbl 47
Heilbrigðisnefnd Norðurlands eystra óskar eftir svörum
Íbúar í fjölbýlishúsi við Skarðshlíð hafa kallað eftir aðgerðum vegna mikillar umferðar og hávaða frá Hörgárbraut.
Heilbrigðisnefnd Norðurlands eystra óskað eftir svörum frá Akureyrarbæ og Vegagerðinni um til hvaða aðgerða hefði verið gripið til að draga úr umferðarhávaða í bænum frá því aðgerðaráætlun gegn hávaða var fyrst útbúin árið 2015.
Leifur Þorkelsson heilbrigðisfulltrúi segir að alltaf sé eitthvað um kvartanir vegna hávaða, en þær hafi ekki endilega aukist upp á síðkastið. „Það sem vakti fyrir heilbrigðisnefndinni var einfaldlega að fá upplýsingar um það frá bænum og Vegagerðinni til hvaða aðgerða hefur verið gripið í þessum efnum. Vegagerðin hefur svarað okkur og staðfest í sínu svari að engar aðgerðir hafi farið fram á hennar vegum frá árinu 2015, en við bíðum eftir svari frá Akureyrarbæ, það mun vera í vinnslu þar,“ segir Leifur.
Í svari Vegagerðar segir ennfremur að Akureyrarbær hafi á þessu tímabili séð um uppsetningu hljóðveggs við Sjónarhól, samhliða uppbyggingu göngu- og hjólastígs meðfram Hörgárbraut
Undir Veggerðina heyrir þjóðvegur 1 Hörgárbraut, Glerárgata, Drottningarbraut og hluti Borgarbrautar, en aðrar götur þar sem umferðarhávaði er viðvarandi heyra undir Akureyrarbæ. Vegir á Akureyri þar sem umferð fer yfir 3 milljónir ökutækja á ári eru talsvert margir. Fram kemur í aðgerðaráætlun Akureyrarbæjar vegna hávaða sem nær til árabilsins 2018 til 2024 að bærinn muni ráðast í skoðanir á ákveðnum aðgerðum með því skilyrði að fjárveiting fáist frá ríki og bæ. Þar eru nefndar íbúðir við Glerárgötu, milli Strandgötu og Hvannavalla og íbúðir við Hörgárbraut milli Undirhlíðar og Borgarbrautar.
Sama setningin orðrétt
Í aðgerðaráætlun fyrir árin 2015 til 2020 kemur fram að íbúar í alls 1.532 íbúðum hafi búið við hávaða sem er yfir viðmiðunargildum reglugerðar um hávaða. Segir Leifur að í þeirri aðgerðaráætlun komi fram að fyrst verði horft til svæða þar sem hljóðstig reiknist hvað hæst og engar vegaframkvæmdir eru fyrirhugaðar. „Í þeirri aðgerðaráætlun sem nú er væntanlega verið að vinna eftir kemur þessi sama setning fram orðrétt,“ segir hann. „Jafnframt að ekki hafi verið lagt til sérstakt fjármagn í framkvæmdir til að sporna við útbreiðslu hávaða í rótgrónum hverfum, en þar er vandinn mestur.“
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
