Dagskráin 26. febrúar - 5. mars Tbl 8
Háskólinn á Akureyri hlýtur heimild til doktorsnáms í menntavísindum og sálfræði
Háskólinn á Akureyri hefur nú með heimild til doktorsnáms á átta fræðasviðum
Um miðja viku bárust þær gleðifregnir að Háskólinn á Akureyri hefði hlotið heimild frá ráðuneyti Háskóla-, iðnaðar- og nýsköpunar til að bjóða upp á doktorsnám í sálfræði og í menntavísindum. Fyrir hefur skólinn heimild til að bjóða upp á doktorsnám á sex fræðasviðum.
„Þessar viðurkenningar eru frábærar fréttir fyrir Háskólann á Akureyri og staðfesting á því góða starfi sem unnið hefur verið í uppbyggingu doktorsnáms við háskólann. Einnig er þetta staðfesting á að mikil vinna starfsfólks við að búa sig undir viðurkenningarferlið skilaði árangri,“ segir Áslaug Ásgeirsdóttir rektor.
Undirbúningsvinnan var umfangsmikil en Kennaradeild og Sálfræðideild ásamt Miðstöð doktorsnáms báru þungann af vinnunni undir styrkri leiðsögn skrifstofu gæða- og mannauðsmála. Í haust heimsótti alþjóðleg úttektarnefnd háskólann og skilaði í kjölfarið skýrslu þar sem deildirnar tvær og Miðstöð doktorsnáms og doktorsnámsráð fengu mikið lof.
Háskólinn á Akureyri er nú með viðurkenningu til doktorsnáms á átta fræðasviðum, auk þeirra nýju var fyrir heimild til doktorsnáms í félagsfræði, hjúkrunarfræði, líftækni, lögfræði, sjávarútvegs- og fiskeldisfræði og viðskiptafræði. Uppbygging doktorsnáms við skólann byggir á þeirri miklu þróun sem hefur verið í grunn- og meistaranámi við deildir skólans.
Auknar heimildir til doktorsnáms munu efla rannsóknir við HA og uppbyggingu öflugs þekkingarsamfélags á Íslandi, öllu samfélaginu til hagsbóta.
Nýjast
-
Framkvæmdir að hefjast við neðsta hluta kirkjutrappanna
Af óviðráðanlegum ástæðum þarf að loka neðri hluti kirkjutrappanna næstu daga vegna framkvæmda. -
Lið MA komið í undanúrslit í Gettu betur
Lið Menntaskólans á Akureyri hefur tryggt sér þátttökurétt í undanúrslitum spurningakeppni framhaldsskólanna Gettu betur. Þetta varð ljóst í kvöld þegar liðið bar sigurorð af liði Menntaskólans við Sund í fjórðu og síðustu viðureign 8-liða úrslitanna í beinni sjónvarpsútsendingu á RÚV. Lokatölur, 38-21 MA í vil. Sem fyrr skipa Árni Stefán Friðriksson, Kjartan Valur Birgisson og Sólveig Erla Baldvinsdóttir lið MA. -
Veittar viðurkenningar fyrir framúrskarandi skólastarf
Fræðslu- og lýðheilsuráð Akureyrarbæjar boðaði til samverustundar í Naustaskóla í gær, 27. febrúar, þar sem nemendum og starfsfólki leik-, grunn- og tónlistarskóla Akureyrarbæjar voru veittar viðurkenningar fyrir framúrskarandi skólastarf. -
Möguleg staðsetning heilsugæslustöðvar við Kjarnagötu
Á seinasta fundi skipulagsráðs Akureyrar var lögð fram til kynningar tillaga að afmörkun nýrrar lóðar á svæði sunnan við lóð Kjarnagötu 2 (Bónus). -
Akureyrarbær og Rauði krossinn Samkomulag um söfnun, flokkun og sölu á textíl
Akureyrarbær hefur komist að samkomulagi við Rauða krossinn við Eyjafjörð um söfnun, flokkun og sölu á textíl. Bærinn er fyrsta sveitarfélagið á landinu sem náð hefur slíku samkomulagi. Samkvæmt nýjum lögum er sveitarfélögum nú skylt að halda úti sérstakri söfnun á textíl. -
Háskólinn á Akureyri hlýtur heimild til doktorsnáms í menntavísindum og sálfræði
Um miðja viku bárust þær gleðifregnir að Háskólinn á Akureyri hefði hlotið heimild frá ráðuneyti Háskóla-, iðnaðar- og nýsköpunar til að bjóða upp á doktorsnám í sálfræði og í menntavísindum. Fyrir hefur skólinn heimild til að bjóða upp á doktorsnám á sex fræðasviðum. -
Er eitthvað að mér?
Rúmlega miðaldra kona hefur undanfarið dvalið á suðlægum slóðum í ríki Spánar. Vissulega er megin ástæða þess að þar er oftast betra veður en heima í Hafnarfirði. Kannski ekki komið í 20+ en nálægt því og hlýnar með hverjum deginum. -
Unnið við nýtt deiliskipulag ofan byggðar í Hrísey
Akureyrarbær hefur hafið vinnu við gerð deiliskipulags sem nær yfir svæði ofan byggðar og efstu byggðu lóðir í nyrðri hluta þéttbýlis Hríseyjar. -
Orkey fær úthlutað lóð á Dysnesi Áform um að reisa stærri og öflugri verksmiðju
Orkey ehf. sem framleiðir lífdísil og efnavöru úr úrgangi hefur hug á að flytja starfsemi sína á Dysnes og byggja þar umtalsvert stærri verksmiðju en félagið hefur rekið á Akureyri undanfarin ár. Stjórn Hafnasamlags Norðurlands hefur samþykkt að úthluta Orkey lóð á Dysnesi og fyrirhugað er að ganga til viðræðna við fyrirtækið um uppbyggingu á svæðinu sem HN fagnar mjög.
