Orkey fær úthlutað lóð á Dysnesi Áform um að reisa stærri og öflugri verksmiðju
Orkey ehf. sem framleiðir lífdísil og efnavöru úr úrgangi hefur hug á að flytja starfsemi sína á Dysnes og byggja þar umtalsvert stærri verksmiðju en félagið hefur rekið á Akureyri undanfarin ár. Stjórn Hafnasamlags Norðurlands hefur samþykkt að úthluta Orkey lóð á Dysnesi og fyrirhugað er að ganga til viðræðna við fyrirtækið um uppbyggingu á svæðinu sem HN fagnar mjög.
Ragnar H. Guðjónsson framkvæmdastjóri Orkeyar segir að til standa að byggja upp og starfrækja lífdísilverksmiðju á lóðinni, en hún er um það bil 4.300 fermetrar að stærð. Framleiðslugeta nýrrar verksmiðju verður um 3.000 tonn á ári, en til samanburðar er geta verksmiðjunnar á Akureyri um 300 tonn á ári.
„Þetta er umtalsverð stækkun, sem snýst um það að starfa í námunda við Líforkuverið sem til stendur að reisa á Dysnesi. Við munum að hluta til nýta hráefni frá Líforkuverinu, þ.e. fituna sem til fellur,” segir Ragnar. „Okkar áform um að hafa verksmiðju okkur á Dysnesi eru því samofin áformum um tilurð Líforkuversins þar.“
Ragnar segir að þegar hafi lóðum verið úthluta bæði undir starfsemi Líforkuversins og Orkeyjar, „Til stendur að ganga frá samningum von bráðar“
Orkey var stofnuð á Akureyri árið 2007. Félagið tekur á móti notaðri steikingarolíu, sem á uppruna á veitingastöðum, mötuneytum og úr matvælaframleiðslu, frá söfnunaraðilum og framleiðir úr henni lífdísil. Við það næst umtalsverður umhverfisávinningur og til verður verðmæt vara sem sparar innflutning á eldsneyti. Gefn ehf. keypti Orkey sumarið 2023 af Norðurorku sem hafði átt félagið frá árinu 2020.
Nýjast
-
Er eitthvað að mér?
Rúmlega miðaldra kona hefur undanfarið dvalið á suðlægum slóðum í ríki Spánar. Vissulega er megin ástæða þess að þar er oftast betra veður en heima í Hafnarfirði. Kannski ekki komið í 20+ en nálægt því og hlýnar með hverjum deginum. -
Unnið við nýtt deiliskipulag ofan byggðar í Hrísey
Akureyrarbær hefur hafið vinnu við gerð deiliskipulags sem nær yfir svæði ofan byggðar og efstu byggðu lóðir í nyrðri hluta þéttbýlis Hríseyjar. -
Orkey fær úthlutað lóð á Dysnesi Áform um að reisa stærri og öflugri verksmiðju
Orkey ehf. sem framleiðir lífdísil og efnavöru úr úrgangi hefur hug á að flytja starfsemi sína á Dysnes og byggja þar umtalsvert stærri verksmiðju en félagið hefur rekið á Akureyri undanfarin ár. Stjórn Hafnasamlags Norðurlands hefur samþykkt að úthluta Orkey lóð á Dysnesi og fyrirhugað er að ganga til viðræðna við fyrirtækið um uppbyggingu á svæðinu sem HN fagnar mjög. -
Leikfélag Hörgdæla frumsýnir íslenska söngleikinn Epli og eikur í kvöld
„Það er mikil tilhlökkun fyrir frumsýningunni, eins og alltaf þegar fólk hefur lagt mikið á sig til að setja upp sýningu,“ segir Fanney Valsdóttir formaður Leikfélags Hörgdæla sem í kvöld, fimmtudagkvöldið 27. febrúar frumsýnir leikverkið Epli og eikur eftir Þórunni Guðmundsdóttur. Leikstjóri er Jenný Lára Arnórsdóttir. Sýnt er á Melum í Hörgársveit. -
FERMINGARSÝNINGIN 2025 kynningarsýning á öllu tengdu fermingarveislunni á Múlabergi n.k. sunnudag
Vorið nálgast og það gera fermingar sömuleiðis og því fer hver að verða síðastur að skipuleggja sína einstöku fermingarveislu. Tilefnið er stórt og því að mörgu að hyggja þegar kemur að undirbúningi. -
Háskólinn á Akureyri Nýsköpunarverðlaun forseta Íslands - stúdent við skólann tilnefndur
Sigrún Emelía Karlsdóttir, stúdent í líftækni við skólann, var í janúar síðastliðnum tilnefnd til Nýsköpunarverðlauna forseta Íslands. Hennar verkefni var eitt af sex sem voru tilnefnd. Verkefnið ber heitið „One man's trash is another man's treasure“ og vann hún það í samstarfi við Liam F O M Adams O´Malley, nemanda í búvísindum við Landbúnaðarháskólann, undir leiðsögn Hreins Óskarssonar hjá Land og skógur. Verkefnið er styrkt af Nýsköpunarsjóði námsmanna. -
Nýtt- Mikil svifryksmengun við helstu umferðaræðar
Svifryksmengun mælist nú langt yfir heilsuverndarmörkum en unnið er að því að rykbinda og vonast til að ástandið lagist þegar líður á daginn. -
Tjaldsvæðisreitur - Frestur til að skila ábendingum að renna út
Frestur til að koma ábendingum á framfæri um drög á deiliskipulagi fyrir Tjaldsvæðisreitinn við Þórunnarstræti er til 27. febrúar 2025, þetta kemur fram á akureyri.is -
Bandarískur kafbátur í þjónustuheimsókn á Eyjafirði
Kjarnorkuknúinn bandarískur kafbátur, USS Delaware, verður í stuttri þjónustuheimsókn í íslensku landhelginni í dag. Varðskipið Freyja fylgir kafbátnum um landhelgina og í utanverðan Eyjafjörð, þar sem fram fara áhafnaskipti og önnur þjónusta við kafbátinn. USS Delaware er orrustukafbátur af Virginia-gerð og slíkir kafbátar bera ekki kjarnavopn.
