20. nóvember - 27. nóvember - Tbl 47
„Hafði mestan áhuga á að mynda húsdýrin og bændafólkið“
Atli ásamt dóttur sinni Sigríði Atladóttur. Mynd/Hörður Jónasson.
Ljósmyndasýning Atla Vigfússonar, „Kýrnar kláruðu kálið“ var opnuð sl. laugardag í Safnahúsinu á Húsavík. Undirtitill sýningarinnar er Bændur og búfé – samtal manns og náttúru – óður til sveitarinnar.
Á opnuninni var margt um manninn, en á sýningunni eru 100 ljósmyndir sem hann hefur tekið á undanförnum árum og flestar þeirra hafa birst í Morgunblaðinu, en Atli var fréttaritari blaðsins í meira en tuttugu ár. Myndirnar eru allar í lit og í stærðinni 30x40 cm. Þá eru einnig sýnishorn úr greinasafni Morgunblaðsins af textum sem Atli hefur skrifað og blaðagreinum eins og þær birtust. Í myndasafni Morgunblaðsins á netinu gefur að líta yfir 600 myndir sem hafa birst og í greinasafninu eru yfir 400 greinar.
Byrjaði á Degi
Atli segir að það hafi verið nokkur aðdragandi að þessari sýningu og með henni vilji hann sýna fólki inn í hugarheim sinn auk þess sem 25 ár í samfylgd með Morgunblaðinu séu nokkur tímamót. Hann segir að það hafi verið tilviljun að hann hafi farið út í að vera fréttaritari. „Auðvitað líður nú að leiðarlokum eftir öll þessi ár. Þetta byrjaði raunar með því að ég skrifaði töluvert af greinum fyrir Dag á Akureyri. Þetta voru tveir greinaflokkar þ.e. Bændur og búfé og Brot úr sögu bænda, alls um 50 greinar. Þá fékk ég smá innsýn inn í þennan heim og fékk mikla hvatningu til þess að halda áfram sem og varð,“ segir Atli og bætir við að áhugi hans á að mynda húsdýr fljótt tekið yfir.
„Það kom snemma í ljós að ég hafði mestan áhuga á að mynda húsdýrin og bændafólkið og reyndi fljótt að festa á mynd samtölin á milli manna og dýra. Það er mikill kærleikur sem dýrin sýna okkur og þau treysta okkur. Sambandið er sterkt og nokkuð margar myndir á sýningunni eru einmitt að sýna þetta,“ segir Atli auk þess sem litaafbrigði og margbreytileiki þessara dýra sé svo mikil og merkileg sköpun.
Sveitalífið heillandi
Hann segir að þetta líf í sveitunum hafi alltaf heillað sig og samfara starfi bóndans hafi það líka gefið honum mikið að geta stundum farið í sunnudagsbíltúr með fjölskyldunni og gert skemmtilega blaðagrein af bændum og búfénaði. Hann segir að frá því að hann opnaði augun sem barn hafi hann haft áhuga á húsdýrunum. Smábarn vildi hann í fjósverk þó svo að það yrði að geyma hann í stíu hjá litlu kálfunum til þess að hann færi sér ekki á voða. Hann segist vera búinn að mjólka kýr í rúmlega 50 sumur, hins vegar hafi hann verið við nám í tíu vetur annarsstaðar og þó tækifærin á öðrum vettvangi hafi verið mörg, þá hafi hann ekki fundið neitt sem gæti komið í staðinn fyrir það að vera bóndi á bújörð. „Og ég er ennþá svolítið barn í mér því að ég hef mjög gaman að sjá nýfædda kálfa sem eru fallegir á litinn,“ segir Atli og brosir.
Titill sýningarinnar, Kýrnar kláruð kálið, er tilvitnun í blaðagrein sem var skrifuð haustið 2016 um bóndann á Hólum í Reykjadal, Glúm Haraldsson, sem nýlega er látinn. „Heimsóknin til hans var eftirminnileg og var svo sérstakt og gefandi að sjá hvað hann hafði frábæra nálgun við sína gripi sem er svo mikilvægt. Þannig gefa dýrin mikið af sér, bæði í afurðum og í kærleika,“ segir Atli að lokum
Sýningin er opin þriðjudaga-laugardaga til 29.apríl. Þessa sýningu ætti engin að láta fram hjá sér fara.
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
