Hætti á sjónum og fór að smíða leikföng
Hermann Ragnarsson stundaði sjómennsku frá barnsaldri þar til hann lét staðar numið fyrir um tveimur árum síðan. Það voru auðvitað mikil viðbrigði fyrir hann að hætta á sjónum og hann notar tímann m.a. til að smíða leikföng og ýmsa skrautmuni úr tré. Blaðamaður Vikudags.is hitti Hermann á leikskólanum Grænuvöllum á Húsavík þar sem hann var kominn til að færa börnunum bísnin öll af vönduðum tréleikföngum að gjöf.
Þarna gaf að líta gröfur og vörubíla bæði stóra og smáa sem og þyrlur og ýmislegt annað. Börnin kunnu vel að meta þessar gjafir Hermanns og ekki var laust við að það væri örlítill rígur um stærstu bílana.
Blaðamaður gaf sig á tal við Hermann og fékk að elta hann heim á vinnustofuna og fékk að ræða við hann um þetta skemmtilega áhugamál.
Inni á heimili Hermanns og konu hans Dómhildar Antonsdóttur úir og grúir af handverki hans. Leikföngin taka sitt pláss en það er margt annað sem Hermann hefur smíðað; hann tekur fram stærðar veggklukku af stofuveggum sem hann bjó til úr rekaviði. Hann dregur fram lítil þrívíddarpúsl sem eru skorin út af mikilli nákvæmni. Þarna eru útskornir hvalir og blóm. Þá sýnir hann mér ótrúlega fallegar skrautskálar og kertastjaka sem hann segist hafa búið til í rennibekk úr rekaviði. „Findu lyktina af þessu,“ segir Hermann og réttir mér fallegan kertastjaka. „sjávarilmurinn heldur sér ef maður ber ekkert á þetta,“ bætir hann við. Og það leynir sér ekki; blaðamaður sniffar af viðnum og finnur dásamlega ilmblöndu af nýunnum viði og Norður-Atlandshafinu.
Hermann segir að hann geri þetta fyrst og fremst sér til gamans og til að hafa eitthvað við að vera. Barnabörnin hafa notið góðs af leikfangasmíðinni og svo sagðist hann hafa verið með muni til sölu í prónakofanum á hafnarsvæðinu á Húsavík í sumar. Þá var hann einnig með vörur á jólamarkaði á Húsavík og í Mývatnssveit fyrir síðustu jól.
Það segir sig sjálft að vönduð handgerð leikföng sem og aðrir munir sem hann býr til eiga erfitt uppdráttar í samkeppni við fjöldaframleiddar vörur úr plasti. Hermann segist vel finna fyrir því, það má ekkert kosta.
Leikföngin sagar Hermann út og setur saman eftir uppskriftum sem hann kaupir. Þá býr hann til fallegar skálar og aðra skrautmuni sem hann rennir úr rekavið. Hönnunina að flestu finnur hann á netinu, en hannn hefur heldur ekki langt að sækja hæfileikana því faðir hans Ragnar Hermannson smíðaði allskonar fígúrur og fleira úr tré eins og sjá má hér fyrir neðan.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
