Hæglætisveður þessa viku
Það verður hæglætisveður þessa viku ef marka má spá fyrir okkar landsvæði sem finna má á heimasíðu Veðurstofu Íslands www.vedur.is Hiti verður við frostmark og vindur frekar hægur s.s ljómandi haustveður.
Sjá nánar hér fyrir neðan.
Norðurland eystra
Hæg suðlæg átt og bjart veður, hiti kringum frostmark. Suðvestan 5-13 og léttskýjað á morgun, hiti 1 til 6 stig.
Spá gerð: 17.10.2022 09:25. Gildir til: 19.10.2022 00:00.
Veðurhorfur á landinu næstu daga
Á miðvikudag:
Suðvestan 5-15 m/s, hvassast norðvestanlands. Léttskýjað á austanverðu landinu, annars skýjað en úrkomulítið. Hiti 3 til 8 stig.
Á fimmtudag:
Snýst í austan og norðaustan 3-8 m/s. Skýjað með köflum og yfirleitt þurrt. Hiti 0 til 6 stig, en víða vægt frost á Norðaustur- og Austurlandi.
Á föstudag:
Norðaustlæg eða breytileg átt og skýjað, en léttskýjað suðvestantil. Hiti 0 til 5 stig, en vægt frost í innsveitum.
Á laugardag (fyrsti vetrardagur):
Suðvestanátt, skýjað og dálítil væta vestanlands. Hiti 1 til 6 stig. Bjartviðri um landið austanvert og hiti um eða undir frostmarki.
Á sunnudag:
Suðlæg átt og bjart með köflum, en skýjað sunnanlands.
Nýjast
-
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun.
