Gunnar Gíslason hættir sem fræðslustjóri
"Ég er fyrst og fremst þakklátur fyrir niðurstöðuna, þetta er sterkur listi, segir Gunnar Gíslason, nýr oddviti Sjálfstæðisflokksins á Akureyri. Hann sigraði í prófkjöri flokksins sem haldið var í gær. Gunnar hlaut 49 % atkvæða í fyrsta sæti, Eva Hrund Einarsdóttir hafnaði í öðru sæti. Kosningin er bindandi í fimm efstu sæti framboðslistans.
Ég mun væntanlega láta af störfum sem fræðslustjóri. Með hvaða hætti starfslokum mínum verður háttað kemur voandi í ljós fljótelga. Ég ræði stöðuna við bæjarstjóra strax eftir helgi og þá skýrast línur hvað þetta varðar. Ég er að sjálfsögðu tilbúinn til að gegna starfinu eins lengi og minn vinnuveitandi óskar, en það er ekki túverðugt að ég gegni þessi embætti í ljósi niðurstöðunnar í gær.
Sjálfstæðisflokkurinn er með einn bæjarfulltrúa.
Mitt markmið er að flokkurinn verði með þrjá eða fjóra bæjarfulltrúa á næsta kjörtímabili, segir Gunnar Gíslason.
Úrslitin í prófkjörinu:
1. Gunnar Gíslason, með 580 atkvæði í 1. sæti
2. Eva Hrund Einarsdóttir, með 583 atkvæði í 1. - 2. sæti
3. Njáll Trausti Friðbertsson, með 616 atkvæði í 1. - 3. sæti
4. Bergþóra Þórhallsdóttir, með 736 atkvæði í 1. - 4. sæti
5. Baldvin Valdemarsson, með 767 atkvæði í 1. - 5. sæti
6. Sigurjón Jóhannesson, með 592 atkvæði í 1. - 6 sæti
Nýjast
-
Tímamót í knattspyrnu-samstarfi KA og N1
Knattspyrnufélag Akureyrar, KA og N1, sem í tæplega 40 ár hafa haft árangursríkt samstarf um mótshald hins vel þekkta N1 móts KA í drengjaflokki, hafa nú ákveðið að taka höndum saman um að koma á laggirnar knattspyrnumóti fyrir stúlkur á aldrinum 9 til 10 ára sem haldið verður með svipuðu sniði og drengjamótið. KA mun annast rekstur og skipulag mótsins, en N1 verða aðalbakhjarl þess. Stúlkurnar munu etja kappi á glæsilegu KA svæðinu helgina eftir Verslunarmannahelgina, eða 8-10 ágúst næst komandi. -
Hafnasamlag Norðurlands Góð staða og spennandi verkefni en hættur geta verið í sjónmáli
Staða Hafnasamlags Norðurlands er afar góð um þessar mundir og mörg spennandi uppbyggingar verkefni í gangi. Ýmsar hættur eru þó í sjónmáli sem geta breytt stöðunni til hins verra. Þar ber helst að nefna þá ákvörðun stjórnvalda að taka upp innviðagjalds á farþega skemmtiferðaskipa. Þær tóku gildi um nýliðin áramót. -
Ný brú á Skjálfandafljót hjá Fosshóli í burðarliðnum
Vegagerðin hefur kynnt byggingu nýrrar tvíbreiðrar brúar yfir Skjálfandafljót á Hringvegi í sveitarfélaginu Þingeyjarsveit. Brúin er hluti af grunnkerfi samgangna en núverandi brú er einbreið og uppfyllir ekki öryggiskröfur Vegagerðarinnar segir í kynningu á vefsíðu Vegagerðarinnar. -
Í upphaf árs; samfélag tækifæra
Hjálmar Bogi Hafliðason skrifar -
Þjóðaratkvæðagreiðsla um viðræður við Evrópusambandið – Af hverju og hvers vegna núna?
Undanfarið hefur umræða um þjóðaratkvæðagreiðslu um framhald viðræðna við Evrópusambandið (ESB) vakið athygli og verið áhugavert að lesa hinar ólíku hliðar og sjónarmið í þessari umræðu. Mikilvægt er þó að skýra að slík atkvæðagreiðsla snýst ekki um framhald eldri viðræðna heldur um upphaf nýrra viðræðna – og þar liggur verulegur munur. -
Hér er kona, um konu…
Konur eru núna í áhrifamestu embættum á Íslandi. Þetta er í fyrsta skipti sem það gerist, sem er að sumu leiti pínu sorglegt að hafi ekki gerst fyrr. -
Skíðastaðir - Fyrsti langi fimmtudagurinn í vetur og forsala vetrarkorta lýkur á morgun
Í dag er fyrsti fimmtudagurinn með lengdum opnunartíma hjá okkur í vetur en það verður opið frá 14-21 í kvöld og alla fimmtudaga í vetur. Það er því um að gera að skella sér í fjallið eftir vinnu í dag og taka kvöldmatinn þar því hægt verður að versla hamborgara uppí Strýtuskála og á Skíðastöðum verður súpa í boði ásamt öðru. -
Nýr aðili tekur við þjónustu gámasvæðis og grenndarstöðva
Um næstu helgi tekur nýr aðili við þjónustu grenndarstöðva og gámasvæðis Akureyrarbæjar. Reiknað er með að þau umskipti gangi snurðulaust fyrir sig en þjónustan gæti þó raskast ofurlítið um stundarsakir. -
Ragnheiður Gunnarsdóttir í Kisukoti langþreytt á svarleysi Akureyrarbæjar
„Það hefur ekki einn einasti maður frá Akureyrarbæ haft samband við mig síðan í apríl í fyrra. Ég hef ekki fengið nein viðbrögð við þeim tölvupóstum sem ég hef sent til starfsmanna bæjarins,“ segir Ragnheiður Gunnarsdóttir sem rekið hefur Kisukot – kattaaðstoð á heimili sínu frá því janúar árið 2012. Bæjarráð samþykkt í nóvember árið 2023 að hefja samningaviðræður við Ragnheiði sem miðuðu að því að koma starfseminni út af heimilinu og í húsnæði sem uppfyllt kröfur fyrir starfsleyfi.
