Grýtubakkahreppur - Knappur rekstur en sterk staða og bjartar horfur
Sveitarstjórn Grýtubakkahrepps stafesti ársreikning fyrir áriö 2022 á fundi sínum í gær.
Rekstur sveitarfélagsins hefur verið frekar þröngur síðustu misserin og 17 milljóna tap varð á rekstri samstæðu sveitarfélagsins, A + B hluta, á árinu 2022. Það er raunar nokkur bati frá fyrra ári og jókst veltufé frá rekstri verulega. Heildartekjur voru kr. 716 millj. og höfðu hækkað um 10% frá fyrra ári. Gjöld fyrir afskriftir og fjámagnsliði voru kr. 689 millj og höfðu hækkað um tæp 6%. Þrátt fyrir tapið hækkaði eigið fé sveitarfélagsins og var í árslok kr. 431 millj.
Áætlun ársins gerði upphaflega ráð fyrir tekjuafgangi upp á kr. 4,9 millj. en útkomuspá sem gerð var í nóvember s.l. reiknaði með tapi upp á kr. 17,8 millj. og varð endanleg niðurstaða því örlítið betri en sú spá.
Helstu frávik frá áætlun voru að kr. 8 millj. halli varð af rekstri Grenilundar sem voru nokkur vonbrigði. Kjarasamningar og betri vinnutími hafa þar reynst kostnaðarsamari en áætlað hafði verið, án þess að tekjuauki frá ríkinu dygði á móti. Lífeyrisskuldbinding sveitarfélagsins hækkaði um kr. 13 millj. en hún er öll frá fyrri tíð. Ætla má að skuldbindingin hækki eitthvað áfram nokkur ár í viðbót, en vegi minna þegar fram í sækir. Verðbólga hækkaði fjármagnsliði, þó ekki verulega, enda var meira en helmingur langtímaskulda óverðtryggð lán í upphafi ársins 2022 sem kom sér vel.
Rekstur málaflokka gekk annars nokkuð vel og var almennt á eða nærri áætlun. Fræðslumálin eru langstærsti málaflokkurinn og kostaði rekstur hans kr. 249 millj. á árinu, og var með vel innan við 1% frávik frá áætlun.
Hætt var við sölu á íbúð á árinu sem áformað hafði verið. Þess í stað var íbúð sem losnaði auglýst til leigu með starfi á Grenilundi, og skilaði okkur góðri fjölskyldu á staðinn.
Efnahagur er áfram mjög sterkur, eiginfjárhlutfall í ársreiknikngi er 53,6%, lækkaði um 1,6 prósentustig á árinu. Skuldaviðmið skv. reglum um fjárhagsleg viðmið sveitarfélaga er 40,9% og hafði lækkað um 3,2 prósentustig á árinu sem er jákvæð þróun.
Eignfærð fjárfesting á árinu nam rúmum 25 milljkr., lántaka var upp á 25 milljkr. og afborganir langtímalána 14 milljkr. Helstu fjárfestingar voru í endurnýjun snyrtinga og andyris í Grenivíkurskóla, kr. 12,7 millj., tenging og frágangur nýrra vatnstanka við vatnsveituna, kr. 5,5 millj. og ýmis búnaður fyrir slökkviliðið, kr. 5 millj. Fjárfestingu í gatnagerð var frestað og mun koma til framkvæmda síðar, áætlað að hluta á þessu ári.
Horfur rekstrar fyrir þetta ár eru góðar og reksturinn að styrkjast áfram næstu árin ef fram heldur sem horfir. Undirliggjandi staða er einnig að styrkjast töluvert. Þannig hækkaði fasteignamat leiguíbúða hreppsins um rúmar 70 milljkr. á árinu og var fasteignamat íbúðanna um áramót orðið 106 milljónum kr. yfir bókfærðu verði þeirra. Eignir eru færðar á afskrifuðu kostnaðarverði og virðisauki eigna kemur þvi ekki fram í ársreikningi nema við sölu þeirra.
Sú mikla uppbygging sem er í gangi og framundan á Grenivík, mun skila sveitarfélaginu auknum tekjum þegar á þessu ári og enn frekar á næstu árum. Á það bæði við um fasteignagjöld af nýjum byggingum og auknum úsvarstekjum sem nýjir íbúar skila, en vænta má þó nokkurrar fjölgunar íbúa næstu árin. Ekki er þörf á kostnaðarsamri uppbyggingu innviða á móti, því horfir sveitarstjórn björtum augum til framtíðar.
Sveitarstjórn áformar að halda almennan íbúafund í haust þar sem farið verður betur yfir stöðu og horfur.
Frá þessu segir á www.grenivik.is
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
