30. október - 6. nóember - Tbl 44
Grímseyingar kalla eftir stefnumörkun í ferðaþjónustu á eyjunni
Grímseyingar vilja að ferðaþjónusta verði heilsárs atvinnugrein í Grímsey en á forsendum íbúanna þar, sem kalla eftir stefnumörkun og aukinni samvinnu varðandi afþreyingu, veitingasölu, leiðsögn og annað það sem gæti komið samfélaginu í Grímsey og náttúrvernd eyjunnar vel. Meirihluti ferðamanna sem þangað kemur vill ferðast á ábyrgan hátt og vara þeir við neikvæðum áhrifum fjöldaferðamennsku í þessari einstöku eyju á norðurhjara veraldar.
Þetta er niðurstaða rannsóknar um eðli og áhrif ferðamennsku og þjónustu í Grímsey sem Rannsóknamiðstöð ferðamála og Háskólinn á Hólum stóðu að í fyrra og birt var fyrr í sumar. Greint er frá þessu á vef Byggðastofnunar.
Þar segir að íbúum eyjunnar sé umhugað um að þeir fái að þróa ferðamál í Grímsey á eigin forsendum sem myndi í senn vernda náttúruna sem þeir lifa af og skapa þeim aukin tækifæri til lífsviðurværis og búsetu allt árið. Telja þeir að leggja þurfi áherslu á að lengja ferðamannatímabilið. Nú þegar sé mikið álag yfir sumartímann sem hið fámenna samfélag þar eigi nóg með að sinna.
Til þess að ferðaþjónustan geti þróast í atvinnugrein í Grímsey skiptir mestu að laga samgöngur, bæði á sjó og lofti. Ferjan Sæfari hentar að mati íbúanna afar illa fyrir farþegaflutninga, hún fer hægt yfir og er slæm í sjó auk þess sem aðstaða fyrir farþega er afar bágborin. Fram kemur í rannsókninni að íbúar telja flugþjónustuna mjög takmarkaða, þar sem áætlunarflug er einungis tvisvar í viku yfir sumarið.
Þegar litið er til innviða, þarf að bæta upplýsingagjöf til ferðamanna, bæði í markaðs- og kynningarefni og á eyjunni sjálfri. Bæta þarf við göngustígum og viðhalda betur þeim sem fyrir eru þannig að aðgengi, náttúruvernd og öryggi ferðamanna sé betur tryggt. Þá er hafnarbakkinn ekki talinn öruggur ferjufarþegum.
Íbúar telja nauðsynlegt að halda áfram tilraunaborunum eftir heitu vatni í Grímsey, heitt vatn sé forsenda fyrir þróun heilsársferðaþjónustu, þróun búsetu og atvinnu í eyjunni.
Lítið hótel myndi svara eftirspurn eftir gistirými með hærra þjónustustigi auk þess sem grípa þarf til aðgerða hjá bæjaryfirvöldum á Akureyri til að leysa þann húsnæðisskort sem nú þegar er til staðar, bæði fyrir fólk sem vill búa í Grímsey og fyrir starfsfólk í ferðaþjónustu og öðrum atvinnugreinum.
Þegar litið er til svara ferðamanna kemur í ljós að þeir eru oftast mjög ánægðir með dvölina en kalla eftir auknu aðgengi að salernum, endurvinnsluílátum og drykkjarvatni auk þess að hafa betri aðgang að upplýsingum um náttúru eyjunnar og hvernig beri að haga sér til að trufla ekki fuglalífið.
Fólki með fasta búsetu hefur fækkað í Grímsey og kemur fram í skýrslunni að samfélagið þar eigi undir högg að sækja m.a. vegna breytinga á sjávarútvegskerfinu. Ein helsta niðurstaða skýrslunnar er sú að Akureyrarbær, sem Grímsey heyrir undir, móti með íbúunum, skýra framtíðarsýn og stefnu í ferðamálum. Þeirri stefnu þurfi að fylgja tímasett aðgerðaáætlun til lengri tíma m.a. um uppbyggingu innviða, stýringu ferðamanna til Grímseyjar og um eyjuna, þ.e. með því að dreifa álagi og breikka ferðamannatímann og lengja dvöl þeirra sem hana sækja, þannig að þeir skilji meira eftir sig í samfélaginu. Tími aðgerða sé að styttast því margt bendi til þess að tímabundinn fjöldi ferðamanna á háannatíma nálgist þolmörk samfélags og náttúru Grímseyjar.
Markmið og tilgangur rannsóknarinnar var að safna gögnum til markvissrar uppbyggingar Grímseyjar sem áfangastaðar ferðamanna og skoða eðli og áhrif ferðamennsku í Grímsey m.t.t. ferðamennsku í landi og tilkomu skemmtiferðaskipa.
Skýrslan var unnin af Ásu Mörtu Sveinsdóttur sérfræðingi hjá Rannsóknamiðstöð ferðamála (RMF) og Laufeyju Haraldsdóttur lektor við ferðamáladeild Háskólans á Hólum og nefnist Áfangastaðurinn Grímsey: núverandi staða og framtíðarsýn. Frumkvæðissjóður Glæðum Grímsey, Nýsköpunarsjóður námsmanna og Vísindasjóður HA styrktu verkefnið.
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
