Grenndarkennsla opnar huga upprennandi kennara
Miðvikudaginn 19. október sl. fóru nemendur á öðru ári í kennarafræði við Háskólann á Akureyri í vettvangsferð um Eyjafjarðarsveit. Ferðin var hluti af námskeiði um grenndarkennslu og tilgangurinn bæði að fræðast um menningu og náttúru sveitarinnar svo og að fá hugmyndir um svæðistengd viðfangsefni í skólum. Viðkomustaðir voru miðaldaþingstaður Eyfirðinga við Eyrarland, Saurbæjarkirkja, Grundarreitur og Hælið – setur um sögu berklanna í Kristnesi. Bragi Guðmundsson prófessor er umsjónarkennari námskeiðsins og ber hitann og þungann af menningarhlutanum. „Menning er fjölþætt og á sér margar birtingarmyndir. Sumt sjáum við eins og alls konar mannvirki og minnismerki en annað leynist sjónum okkar. Svæðisbundinn kveðskapur, sögur og sagnir eru hvarvetna til, örnefni eru allt um kring og bústaðir álfa og huldufólks eru víða svo fáein dæmi séu tekin.“
Nemendur eru iðulega hrifnir af því að nýta kennslulotur utan kennslustofunnar: „Ég held að þessi ferð muni nýtast mér í mínu starfi sem kennari þar sem ég fékk innblástur um hvað er hægt að gera margt sem þarf ekki að kosta mikið. Ég er á leikskólakjörsviði og vinn með elstu börnum í leikskóla og finnst mjög spennandi að kenna þeim meira um okkar heimabyggð,“ segir Telma Björk Gunnarsdóttir, nemandi í kennarafræði.
Ekki leita langt yfir skammt
Veðrið lék við þátttakendur og Eyjafjörðurinn skartaði sínu fegursta. „Ferðin var í senn skemmtileg og fróðleg. Okkur var dröslað um fjörðinn í rútu á meðan Bragi og Brynhildur létu rigna yfir okkur staðreyndum, sögum og öðrum fróðleik. Saurbæjarkirkja, tóftir og berklasafnið á Kristneshæli voru meðal viðkomustaða hjá hópnum. Maðurinn sem tók á móti okkur á berklasafninu var með skemmtilegri safnvörðum sem ég hef lent í. Að fá tækifæri til að upplifa grenndarkennslu á eigin skinni setur námið í betra samhengi við raunveruleikann og vekur mann sjálfan til umhugsunar um eigið nærumhverfi. Sú hugsun opnar augu manns til að sjá sóknarfæri í eigin nærumhverfi,“ segir Tómas Guðmundsson, nemandi í kennarafræði.
Menningu og náttúru fléttað saman
Markmið námskeiðsins er meðal annars að nemendur öðlist færni í því að flétta vinnu með næsta nágrenni skóla inn í nám og kennslu í öllum aldurshópum og námssviðum. Brynhildur Bjarnadóttir, sem sér um náttúruhluta námskeiðsins, leggur mikið upp úr náttúruvísindum og útikennslu og segir það einstakt tækifæri að gefa upprennandi kennurum tækifæri til að nota umhverfið enn meira í miðlun sinni: „Að efla læsi nemenda á nánasta umhverfi sitt og fá þá til að sjá möguleikana sem felast í kennslu í nærumhverfi sínu, eru þættir sem mikið er unnið með í námskeiðinu Grenndarkennslu. Nemendur læra að greina plöntur, þekkja fugla og umfram allt að greina nærumhverfi sitt þannig að þeir geti nýtt það til kennslu um heimabyggðina. Skógur, fjara og mólendi eru dæmi um náttúruleg umhverfi þar sem hægt er að bjóða upp á kennslu í nánast hvaða fagi sem er. Útikennsla býður upp á fjölbreytta kennslumöguleika og eykur umhverfisvitund nemenda.“
Þingstaðurinn forni þar sem Bragi Guðmundsson umsjónarkennari námskeiðsins og sögukennari leiddi mannskapinn.
Nýjast
-
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum.
