6. nóvember - 13. nóvember - Tbl 45
Graskögglaverksmiðja í burðarliðnum
Gras af 4 þúsund hekturum gefur um 20 þúsund tonn af kögglum
„Næsta skref er að stofna félagið formlega og það verður gert fljótlega eftir páska. Eins erum við að hefja leit að fjárfestum til að taka þátt í þessu með okkur,“ segir Haukur Marteinsson formaður Búnaðarsambands Suður-Þingeyinga en félagið ásamt Fjárfestingafélagi Þingeyinga kynnti áform um þurrkstöð við Húsavík á fjárfestingahátíð Norðanáttar sem fram fór á Siglufirði á dögunum. Þurrkstöðinni við Húsavík mun auk þess að framleiða grasköggla, þurrka korn og eins er ætlunin að þurrka grisjunarvið og framleiða m.a. undirburð.
BSSÞ hefur kynnt verkefnið undanfarið og segir Haukur að áhugi sé mikill. „Við erum bjartsýn á að þetta muni ganga upp.“ Verkefnið gengur í stórum dráttum út á að framleiða grasköggla og nýta til þess jarðvarma frá Hveravöllum í Reykjahverfi. Markmiðið er að safna 100 til 200 milljónum króna í upphafi svo hægt sé að hefja undirbúning af krafti. Stefnt er að því að reisa þurrkstöðina sjálfa á næsta ári.
Haukur segir að áform BSSÞ gangi út á að nýta jarðvarmann við Hveravelli í Reykjahverfi og hafi í fyrstu verið horft til þess að reisa þar um 1400 fermetra mannvirki ásamt sílóum. Frá Hveravöllum liggur stofnlögn til Húsavíkur og segir hann að nú sé horft til þess að reisa þurrkstöðina á iðnaðarlóð við suðurhluta bæjarins. Verksmiðjan verði að vera á öðrum hvorum enda stofnlagnarinnar og sé nú talið að heppilegra staðarval sé við Húsavík.
Nýta glatvarma til að þurrka grasið
Um stofnlögnina rennur 120 gráðu heitt vatn og er það kælt niður áður en því er dælt inn á húsvísk heimili. „Það fallega í þessu dæmi er að við þurrkun á grasinu verður nýttur glatvarmi, sá varmi sem verður til við að kæla vatnið úr 120 gráður niður í 80 gráður,“ segir Haukur.
Nú í sumar verða gerðar tilraunir með að fóðra kýr á tveimur bæjum með graskögglum og tekur Landbúnaðarháskólinn á Hvanneyri þátt í rannsókn með bændunum en niðurstaða ætti að vera ljós næsta haust.
Kostnaður um 2-3 milljarðar
Kostnaður við að reisa þurrkstöðina er talin nema á bilinu tveimur til þremur milljörðum króna og áætlanir sem fyrir liggja gera ráð fyrir að tekjur eftir 5 ár verði um 600 milljónir króna. Tvö til þrjú störf við á stöðinni, en fjöldinn allur af afleiddum störfum í tengslum við starfsemina.
Haukur segir að áætlanir geri ráð fyrir að framleiðslan nemi um 20 þúsund tonnum innan fárra ára og þurfi gras af um það bil 4 þúsund hekturum af ræktuðu landi til hennar. „Við höfum nægt land hér um slóðir til þessar framleiðslu en um 90% af ræktarlandi sem til þarf er til reiðu.
Markaðssvæðið fyrir grasköggla frá þurrkstöðinni verður í fyrstu Norðurausturlandið.
Nýjast
-
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi.
