20. nóvember - 27. nóvember - Tbl 47
Gilið að fyllast af snjó
Flytja þarf mikið magn af snjó úr Hlíðarfjalli í Gilið. Mynd/Þröstur Ernir
Snjóbretta- og tónlistarhátíðin AK Extreme fer fram á Akureyri um helgina, dagana 6.-9. apríl í Gilinu og í Hlíðarfjalli. Mikill undirbúningur hefur staðið yfir alla vikuna vegna hátíðarinnar og er nú Gilið að fyllast af snjó.
Hilmar Þór Sigurjónsson, framkvæmdastjóri AK-Extreme, segir hlýindin og snjóleysið gera aðstandendum erfiðara um vik og flytja þurfi mikið magn af snjó í bæinn.
„Það eru fjölmargir vörubílar sem við notum til að ferja snjó úr Hlíðarfjalli og hingað í Gilið. Það eru um 2000 rúmmetrar af snjó sem við þurfum,“ segir Hilmar en hann segist muna eftir einu skipti þar sem allt var autt á götum, líkt og í dag. „Sem betur fer höfum við ekki oft lent í þessu en svona aðstæður gera hlutina miklu erfiðari en ella. Kostnaðurinn sem fer í að flytja snjóinn er ansi drjúgur. Þessi litli snjór sem er í bænum er mjög skítugur og verður notaður sem grunnur en við þurfum við hreinni snjó sem yfirlag. Það er rosalega vinna sem fer í þetta og ég held að fáir átti sig á allri þeirri vinnu sem liggur að baki hátíðinni. Allir sjálfboðaliðarnir og fyrirtæki sem aðstoða okkur í þessu eru geggjuð fyrir okkur,“ segir Hilmar.
Frekar köld spá er frá og með laugardeginum og tekur Hilmar því fagnandi. „Við vorum að reisa gámana í 10 stiga hita í vikunni. Það var frekar súrrealískt að vera undirbúa snjóbrettamót og sjá grasið grænka fyrir framan mann. En það er aðeins að kólna og fór að snjóa á okkur um daginn. Þannig að þetta er orðið aðeins raunverulegra núna.“
Hann segir hátíðina verða stærri með hverju árinu en stærsti viðburðurinn er Eimskips-gámastökkið á laugardagskvöldið. Þar verða m.a. fjórir erlendir keppendur og alþjóðlegur dómari. „Hann setur vissan gæðastimpil á hátíðina og er helsta breytingin á milli ára. Það verður mjög spennandi að hafa hann innanborðs.“
Von er á mörgum gestum í Gilið á laugardagskvöldið þegar Eimskips-gámastökkið fer fram en í fyrra var metfjöldi á svæðinu. „Það var æðislegt að sjá allt fólkið í fyrra en ég hélt að það kæmist ekki svona margt fólk fyrir í Gilinu. Bæjarbúar hafa mikinn áhuga á þessu og virkilega gaman að sjá hversu margir mæta á svæðið og fylgjast með,“ segir Hilmar, en keppnin á laugardagskvöld verður í beinni útsendingu í opinni dagskrá á Stöð 2 Sport.
Dagskrá AK-Extreme er sem hér segir:
Fimmtudagur: Pallaparkið opið í Hlíðarfjalli. 19.00 King/Queen of the hill með grillpartý í Hlíðarfjalli.
Föstudagur: Pallaparkið opið í Hlíðarfjalli. 21.00 Burn Jib Session í Gilinu á Akureyri (sama stað og gámastökkið).
Laugardagur: Pallaparkið opið í Hlíðarfjalli. Kl. 21.00 EIMSKIPS-gámastökk í Gilinu á Akureyri. Bein útsending í opinni dagskrá á STÖÐ 2 SPORT.
Sunnudagur: Pallaparkið opið í Hlíðarfjalli. Kl. 13.00 FIMAK-AKX PARKOUR. Keppnin fer fram í íþróttamiðstöðinni við Giljaskóla (fimleikahúsið) og verður húsið opnað kl. 12.00.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
