13.nóvember - 20.nóvember - Tbl 46
Gervigrasvellinum á Húsavík lokað vegna bilunar
Húsavíkurvöllur. Mynd fengin af vef norðurþings
Vegna bilunar í dælubúnaði hefur íþrótta- og tómstundafulltrúi Norðurþings tekið ákvörðun um að loka gervigrasvellinum á Húsavík tímabundið. „Ákvörðunin er tekin með það fyrir augum að hlífa vellinum og koma í veg fyrir skemmdir. Vegna áðurnefndar bilunar og mikils kulda er völlurinn ónothæfur og ekki óhætt fyrir völlinn né iðkendur að æfa þar sem stendur. Bilunin er þess eðlis að dæla í borholu bilaði og smíða þurfti nýja dælu sem er væntanleg til landsins í lok febrúar. Mögulega verður völlurinn opnaður fyrr ef hlýnar í veðri og klaki fer af vellinum,“ segir Kjartan Páll Þórarinsson,
Íþrótta- og tómstundafulltrúi Norðurþings í tilkynningu.
Fjölskylduráð hafði áður til umfjöllunar erindi frá Völsungi varðandi aðstöðu til knattspyrnuiðkunar. Vegna tímabundnar bilunar á hitakerfi gervigrass safnast fyrir meiri snjór en ella á vellinum.
Félagið óskaði eftir því að völlurinn verði ruddur fyrir æfingar eða knattspyrna fái fleiri tíma í íþróttahöllinni.
Fjölskylduráð hafnaði erindinu á grunni þess að ekki sé næg þekking til staðar á því hvort mokstur með vinnuvélum muni skemma gervigrasvöllinn eða ekki.
Þá segir í bókun ráðsins að verið sé að athuga með kostnað og möguleika á að útbúa vinnubíl íþróttavalla (Kubota) til moksturs á gervigrasvellinum. Vanda þurfi til verksins svo tjón verði ekki á vellinum og er íþrótta- og tómstundafulltrúa falið að fylgjast með verkinu. Þangað til að niðurstaða verður komin í það mál vill ráðið benda á þann möguleika að hægt er að handmoka völlinn eins og gert er bæði hjá KA og Þór á Akureyri.
Ráðið bendir einnig á að hægt er að nýta sparkvellina við Borgarhólsskóla að einhverju leyti sem tímabundna lausn.
Þá benti ráðið á að Völsungur hefur yfirráð yfir meirihluta þeirra tíma sem í boði eru í íþróttahöllinni, Aðalstjórn Völsungs sé því best til þess fallin að hliðra til tímum á milli deilda svo að sem flestir fái einhvern æfingatíma.
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
