Geðverndarfélag Akureyrar fjármagnar þjálfun á heilaörvunartæki
Í tilefni 50 ára afmælis Geðverndarfélags Akureyrar i dag, 15. desember, var nýlega haldinn sérstakur afmælisfundur þar sem fulltrúum dag- og göngudeildar geðdeildar SAk var færður styrkur vegna þjálfunar á sérstakt heilaörvunartæki.
Heilaörvunartækið verður notað við meðferð á meðferðarþráu þunglyndi, þ.e. þunglyndi sem ekki hefur tekist að draga úr með hefðbundinni lyfja- og sálfræðimeðferð.
Meðferðin kallast TMS, transcranial magnetic stimulation, sem hefur verið þýtt sem segulörvun á heila. Meðferðin örvar taugafrumur í heila til að senda boð og þvingar tauganetin til þess að breyta tengingum sínum og mynda nýjar.
Fullur bati í 30% tilvika
Rannsóknir sýna fram á fullan bata í um það bil 30% tilvika og umtalsverðan bata hjá mörgum fleiri. Meðferðin hefur verið í boði á höfuðborgarsvæðinu í nokkur ár og gefið góða raun. Það er því ánægjulegt að nú styttist í að þessi meðferð verði einnig í boði á Norðurlandi.
Tækið sjálft kemur til með að kosta rúmar 10 milljónir og hefur Brynja Vignisdóttir hjúkrunarfræðingur dag- og göngudeildar geðdeildar borið hitann og þungann að afla verkefninu brautargengis og fjármagns í samstarfi við stjórnendur SAk. Styrkur GVA sem er 500.000 krónur, er ætlaður til standa straum af kostnaði við þjálfun starfsfólks á umrætt tæki.
Áhugasamir lesendur sem myndu vilja styrkja þetta verkefni geta haft samband við Geðverndarfélag Akureyrar í netfangið gedvernd@outlook.com.
Starfsfólk á dag- og göngudeild geðdeildar SAk, frá vinstri: Ragnheiður Reykjalín Magnúsdóttir deildarstjóri, Árný Berglind Hersteinsdóttir iðjuþjálfi, Brynja Vignisdóttir hjúkrunarfræðingur og Árni Jóhannesson geðlæknir.
Nýjast
-
Höldum eldsvoðalaus jól
Jólin eru handan við hornið og landinn þeysist milli staða í erindagjörðum sem hafa þann tilgang að okkur líði vel yfir hátíðarnar. En við megum ekki gleyma einu í tengslum við hátíð ljóss og friðar – brunavörnum. -
Aðalfundur GA var haldinn 14. desember s.l.
Þann 14. desember síðastliðinn var haldinn aðalfundur Golfklúbbs Akureyrar fyrir rekstrarárið 2024. Mjög vel var mætt, það voru tæplega 100 manns á fundinum. Á fundinum voru hefðbundin aðalfundarstörf og eftir fundinn var nýja inniaðstaðan okkar á Jaðri formlega opnuð. , Það var Halldór M. Rafnsson, heiðursfélagi GA, ásamt Huldu Bjarnadóttur, forseta GSÍ, sem klipptu á rauða borðan íáður en gestir fengu að sjá dýrðina og gæddu sér síðan á snittum og drykkjum að því loknu. -
Bókakynning Til taks – Þyrlusaga Landhelgisgæslu Íslands fyrstu 40 árin
Út er komin hjá Bókaútgáfunni Hólum bókin Til taks – Þyrlusaga Landhelgisgæslu Íslands fyrstu 40 árin. Í bókinni er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina. Sagt er frá baráttunni fyrir því að fá björgunarþyrlu til landsins, en þær hafa verið nokkrar í gegnum tíðina og æði misjafnar, viðamestu verkefnum þyrlnanna og sviplegum atburðum í rekstri þeirra. Tveir af höfundum bókarinnar, þeir Páll Halldórsson og Benóný Ásgrímsson, eru reyndustu þyrluflugmenn okkar og hafa þeir, ásamt fleirum auðvitað, komið mörgum til bjargar. Þriðji í hópi höfunda er Júlíus Ó. Einarsson, þjóðfræðingur og fyrrum lögreglumaður. -
Mýsköpun klárar fjármögnun
Örþörungafyrirtækið Mýsköpun hefur lokið vel heppnaðri fjármögnun sem gerir fyrirtækinu kleift að vaxa áfram. Núverandi hluthafar tóku þátt í fjármögnuninni sem var uppá ríflega 50 milljónir króna og var í formi breytanlegs skuldabréfs. Fjármögnunin var kynnt á vel sóttum hluthafafundi í nóvember þar sem áform næsta árs voru kynnt og voru viðtökur jákvæðar. Þessi fjármögnun Mýsköpunar er eins konar brúarfjármögnun og þýðir að fyrirtækið getur haldið áfram sinni örþörungaræktun og rannsóknum áður en stærra skref er tekið í fjármögnun. -
Óskipt athygli um jólin
Börn á öllum aldri allt frá fæðingu hafa djúpstæða þörf fyrir athygli, eftirtekt og virðingu. Það er í höndum foreldra að mæta þessum þörfum barnsins. Börn þurfa mismikla nærveru, sum þurfa styttri tíma á dag með foreldrum sínum, en önnur lengri. Börn þrá oft ekkert heitar en að foreldrið taki eftir því, að foreldrið hlusti með fullri athygli og áhuga. Það þarf ekki að vera annað en að tala um hvað það var gaman í heimsókn hjá ömmu eða hversu erfitt það var þegar árekstrar urðu í leik við vini. -
Hilda Jana Gísladóttir bæjarfulltrúi S- lista á Akureyri Meirihlutinn skilar A-hluta sveitasjóðs með tapi 4 ár í röð
„Það er mikið áhyggjuefni að ekki takist betur til í rekstrinum en svo að honum sé skilað með tapi ár eftir ár,“ segir í bókun frá Hildi Jönu Gísladóttur bæjarfulltrúi S-lista vegna samþykktar fjárhagsáætlunar Akureyrarbæjar í liðinni viku. -
Fjöldi umsókna um jólaaðstoð hjá Velferðarsjóði
„Það er svipaður fjöldi sem sækir um núna og í fyrra, en líkast til heldur fleiri,“ segir Herdís Helgadóttir formaður Velferðarsjóðs Eyjafjarðar en þar er úrvinnsla umsókna um jólaaðstoð í fullum gangi. -
Íslandsþari fékk úthlutað lóð á Húsavík
„Gert er ráð fyrir að allt að 29 störf skapist á svæðinu með vinnslu á þessum stórþara, um 19 störf á landi og 10 sjávartengd störf við söfnun stórþarans. Þetta er mjög mikilvægt fyrir samfélagið okkar og framtíðaruppbyggingu þess,“ segir Soffía Gísladóttir sveitarstjórnarfulltrúi B-lista -
Geðverndarfélag Akureyrar fjármagnar þjálfun á heilaörvunartæki
Í tilefni 50 ára afmælis Geðverndarfélags Akureyrar i dag, 15. desember, var nýlega haldinn sérstakur afmælisfundur þar sem fulltrúum dag- og göngudeildar geðdeildar SAk var færður styrkur vegna þjálfunar á sérstakt heilaörvunartæki.
