11.desember - 18.desember - Tbl 50
Hilda Jana Gísladóttir bæjarfulltrúi S- lista á Akureyri Meirihlutinn skilar A-hluta sveitasjóðs með tapi 4 ár í röð
Hilda Jana Gísladóttir Samfylkingu
„Það er mikið áhyggjuefni að ekki takist betur til í rekstrinum en svo að honum sé skilað með tapi ár eftir ár,“ segir í bókun frá Hildi Jönu Gísladóttur bæjarfulltrúi S-lista vegna samþykktar fjárhagsáætlunar Akureyrarbæjar í liðinni viku.
„Í þeirri fjárhagsáætlun sem hér er lögð fram er gert ráð fyrir áframhaldandi taprekstri A-hluta sveitarsjóðs, 211 milljónir króna á árinu 2025 og 10 miilljónir króna á árinu 2026. Sá meirihluti sem hér starfar hefur ef allt fer sem horfir skilað rekstri A-hluta sveitasjóðs með tapi 4 ár í röð frá 2023-2026 sem nemur nærri 900.000.000 króna,“ segir í bókun Hildu Jönu.
Hún segir þær fyrirætlanir meirihlutans um að auka skuldsetningu bæjarsjóðs verulega vegna fjárfestinga í verkefnum sem að öllu óbreyttu munu auka rekstrarkostnað sveitarfélagsins ekki síður vera áhyggjuefni.
Mætti lækka álögur á íbúa og atvinnulíf
Mun skynsamlegra væri að fjárfesta í mannvirkjum yfir lengri tíma og einbeita sér að verkefnum sem raunverulega geta dregið úr rekstrarkostnaði. Þannig mætti ná jafnvægi í rekstri og lækka álögur á íbúa og atvinnulíf með því t.d. að lækka fasteignaskatta og gjaldskrár, þá ekki síst gjaldskrár viðkvæmra hópa, eldri borgara og barnafjölskyldna. Bendir hún á að einnig sé margt mjög jákvætt í fjárhagsáætlun sveitarfélagsins og verði sérstaklega áhugavert að fylgjast með árangri af innleiðingu hreyfikorts.
Loks nefnir hún áhyggjur yfir því að þrátt fyrir gríðarlegar fjárfestingar eigi að fresta óumflýjanlegu viðhaldi á þaki Síðuskóla, óumflýjanlegu viðhaldi á þaki Ráðhússins sem ekki stenst brunaúttekt og að ekki sé gert ráð fyrir löngu tímabærum framkvæmdum við Lundarsel-Pálmholt.
Slagkraftur í samfélaginu
„Að okkar mati horfir rekstur sveitarfélagins til betri vegar. Gert er ráð fyrir að skuldahlutfall fari heldur niður á við næstu ár og má því segja að fjárhagur sveitarfélagsins sé á góðri leið og fjárhagur sterkur. Það býr mikill slagkraftur í samfélaginu okkar sem verður nýttur til að byggja upp sterka innviði í samfélaginu og efla þjónustuna við íbúa,“ segir í bókun meirihluta bæjarstjórnar.
Nýjast
-
Bókakynning Til taks – Þyrlusaga Landhelgisgæslu Íslands fyrstu 40 árin
Út er komin hjá Bókaútgáfunni Hólum bókin Til taks – Þyrlusaga Landhelgisgæslu Íslands fyrstu 40 árin. Í bókinni er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina. Sagt er frá baráttunni fyrir því að fá björgunarþyrlu til landsins, en þær hafa verið nokkrar í gegnum tíðina og æði misjafnar, viðamestu verkefnum þyrlnanna og sviplegum atburðum í rekstri þeirra. Tveir af höfundum bókarinnar, þeir Páll Halldórsson og Benóný Ásgrímsson, eru reyndustu þyrluflugmenn okkar og hafa þeir, ásamt fleirum auðvitað, komið mörgum til bjargar. Þriðji í hópi höfunda er Júlíus Ó. Einarsson, þjóðfræðingur og fyrrum lögreglumaður. -
Mýsköpun klárar fjármögnun
Örþörungafyrirtækið Mýsköpun hefur lokið vel heppnaðri fjármögnun sem gerir fyrirtækinu kleift að vaxa áfram. Núverandi hluthafar tóku þátt í fjármögnuninni sem var uppá ríflega 50 milljónir króna og var í formi breytanlegs skuldabréfs. Fjármögnunin var kynnt á vel sóttum hluthafafundi í nóvember þar sem áform næsta árs voru kynnt og voru viðtökur jákvæðar. Þessi fjármögnun Mýsköpunar er eins konar brúarfjármögnun og þýðir að fyrirtækið getur haldið áfram sinni örþörungaræktun og rannsóknum áður en stærra skref er tekið í fjármögnun. -
Óskipt athygli um jólin
Börn á öllum aldri allt frá fæðingu hafa djúpstæða þörf fyrir athygli, eftirtekt og virðingu. Það er í höndum foreldra að mæta þessum þörfum barnsins. Börn þurfa mismikla nærveru, sum þurfa styttri tíma á dag með foreldrum sínum, en önnur lengri. Börn þrá oft ekkert heitar en að foreldrið taki eftir því, að foreldrið hlusti með fullri athygli og áhuga. Það þarf ekki að vera annað en að tala um hvað það var gaman í heimsókn hjá ömmu eða hversu erfitt það var þegar árekstrar urðu í leik við vini. -
Hilda Jana Gísladóttir bæjarfulltrúi S- lista á Akureyri Meirihlutinn skilar A-hluta sveitasjóðs með tapi 4 ár í röð
„Það er mikið áhyggjuefni að ekki takist betur til í rekstrinum en svo að honum sé skilað með tapi ár eftir ár,“ segir í bókun frá Hildi Jönu Gísladóttur bæjarfulltrúi S-lista vegna samþykktar fjárhagsáætlunar Akureyrarbæjar í liðinni viku. -
Fjöldi umsókna um jólaaðstoð hjá Velferðarsjóði
„Það er svipaður fjöldi sem sækir um núna og í fyrra, en líkast til heldur fleiri,“ segir Herdís Helgadóttir formaður Velferðarsjóðs Eyjafjarðar en þar er úrvinnsla umsókna um jólaaðstoð í fullum gangi. -
Íslandsþari fékk úthlutað lóð á Húsavík
„Gert er ráð fyrir að allt að 29 störf skapist á svæðinu með vinnslu á þessum stórþara, um 19 störf á landi og 10 sjávartengd störf við söfnun stórþarans. Þetta er mjög mikilvægt fyrir samfélagið okkar og framtíðaruppbyggingu þess,“ segir Soffía Gísladóttir sveitarstjórnarfulltrúi B-lista -
Geðverndarfélag Akureyrar fjármagnar þjálfun á heilaörvunartæki
Í tilefni 50 ára afmælis Geðverndarfélags Akureyrar i dag, 15. desember, var nýlega haldinn sérstakur afmælisfundur þar sem fulltrúum dag- og göngudeildar geðdeildar SAk var færður styrkur vegna þjálfunar á sérstakt heilaörvunartæki. -
Fresta opnun skíðasvæðis um viku í það minnsta
„Vonandi náum við að opna fyrir jól,“ segir Brynjar Helgi Ásgeirsson forstöðumaður skíðasvæðisins í Hlíðarfjalli. Til stóð að opna svæðið í gær, föstudag en þau áform fuku út í veður og vind, líkt og snjórinn sem safnast hafði í fjallinu. -
Breiðhyltingur og bikarmeistari í bekkpressu
Vísindafólkið okkar er mánaðarleg kynning á vísindafólkinu okkar. Ívar Rafn Jónsson, lektor við Kennaradeild, er vísindamanneskjan og jólastjarnan í desember.
