6. nóvember - 13. nóvember - Tbl 45
Frú Ragnheiður óskar eftir stuðningi bæjarins
Berglind Júlíusdóttir og Edda Ásgrímsdóttir eru hópstjórar Frú Ragnheiðar Mynd MÞÞ
Bæjarráð Akureyrar frestaði afgreiðslu á erindi frá Eyjafjarðardeild Rauða krossins sem óskað eftir stuðningi við starfsemi Frú Ragnheiðar á Akureyri. Verkefnið Frú Ragnheiður er fjármagnað af Rauða krossinum við Eyjafjörð. Áætlað er að kostnaður við það nemi um 5 milljónum króna í ár. Verkefnið hefur ekki fastan samning við ríkið né sveitarfélög og rekstrargrundvöllur er því byggður á styrkveitingum frá ári til árs.
Einhverjir styrkir hafa fengist frá fyrirtækjum og félagasamtökum en þó ekki í ríkum mæli. Sjúkratryggingar Íslands styrkja verkefnið á landsvísu og fær verkefnið á Akureyri hluta úr þeim potti.
Verkefnið hefur vaxið að umfangi, mun fleiri hafa sótt þjónustu á fyrstu mánuðum þessa árs miðað við allt árið í fyrra. Frú Ragnheiður sinnir grunnheilbrigðisþjónustu, nálaskiptiþjónustu og sálrænum stuðningi. Matarbökkum er dreift til skjólstæðinga í samvinnu við veitingahús í bænum, sem og fatnaði.
Útlagður kostnaður hefur tvöfaldast milli ára
Undanfarin ár hefur verið lagt út í talsverðan kostnað við verkefnið norðan heiða m.a. með kaupum á bifreið og rekstri hennar og starfsmaður hefur verið ráðinn í hlutastarf vegna aukinna umsvifa. Útlagður kostnaður vegna búnaðar sem verkefnið dreifir til sinna skjólastæðinga hefur tvöfaldast á milli ára.
Fram kemur í beiðni Eyjafjarðardeildar að verkefnið létti á opinberum aðilum sem sinna jaðarsettum einstaklingum með fíknivanda, en það nái að hluta til einstaklinga sem ekki leita eftir þjónustu annað. Verkefnið sé því mikilvægt fyrir skjólstæðingana en ekki síður fyrir samfélagið í heild.
Bæjarráð frestaði afgreiðslu erindisins og fól bæjarstjóra að afla frekari upplýsinga. Fulltrúar Samfylkingar, VG og Framsóknarflokks bókuðu á fundi bæjarráðs að þeir teldu mikilvægt að styðja við starfsemi Frú Ragnheiðar á Akureyri og því ætti bæjarráð að taka jákvætt í erindið og undirbúa drög að samkomulagi við Eyjafjarðardeild Rauða krossins.
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
