Framkvæmdir við Lundarskóla á áætlun
Texti: Margrét Þóra Þórsdóttir
maggath61@simnet.is
„Þetta verkefni hefur gengið vel, það er allt á áætlun, bæði hvað varðar framkvæmdir og kostnað,“ segir Guðríður Erla Friðriksdóttir sviðsstjóri umhverfis- og mannvirkjasviðs en umfangsmiklar framkvæmdir standa yfir við Lundarskóla.
Hún segir að um sé að ræða heildarendurnýjun á öllu húsnæði skólans, tveimur álmum, A og B. Báðar eru þær á tveimur hæðum og með tengigangi á milli, samtals yfir 3 þúsund fermetrar í allt. „Það er allt endurnýjað inn að steini, þannig að húsið verður sem nýtt þegar öllu er lokið“. Fyrri álman, A er svo gott sem búin, unnið er við lokafrágang þessa dagana. Húsgögn í allar kennslustofur eru væntanleg fyrri hluta ágústmánaðar. Þá verður lóð og körfuboltavöllur austan skólans einnig lagfærður fyrir skólabyrjun.
Framkvæmdir við B álmu og inngarð eru hafnar og áætlað að framkvæmdum við þann áfanga og nýjan inngarð milli álmanna ljúki næsta sumar, árið 2022 . Nemendur í 7. - 10. bekk munu í vetur áfram sækja skóla í húsnæði gamla Brekkuskólans, Rósenborg líkt og var í fyrravetur.
1380 milljónir
Kostnaður við framkvæmdir við báða áfanga verksins er á áætlun. Heildarkostnaður við A álmu með búnaði er um 620 milljónir króna og B álmu og inngarð á milli álmanna er áætlaður kostnaður um 760 milljónir króna með búnaði. Samtals er verkefnið því upp á 1380 milljónir króna „Þetta er hagkvæm og góð lausnin og mun ódýrara en að byggja nýtt hús frá grunni og tími sem fer í hönnun og framkvæmdir er einnig skemmri,“ segir Guðríður.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
