27. nóvember - 4. desember - Tbl 48
Framkvæmdir að hefjast við byggingu 132 íbúða
mth@vikubladid.is
Framkvæmdir hefjast innan skamms við stórt verkefni á vegum Búfestis við Þursaholt í nýju Holtahverfi. Byrjað verður á að grafa grunna og segir Eiríkur H. Hauksson að stefnt sé að því að ljúka því verki fyrir veturinn. „Við stefnum svo að því að byrja að steypa um leið og veður leyfir næsta vor, vonandi strax í apríl.“
Við Þursaholt frá 2 til 12 verða á næstu árum byggðar alls 132 íbúðir í fjórum húsum. Tvö af húsunum eru reist í samvinnu við Félags eldri borgara á Akureyri og verðu samkomusalur á milli húsanna þar sem íbúar geta komið saman og gert sér glaðan dag. Eiríkur segir að ekki verði hægt að auglýsa íbúðirnar fyrr en verkið er lengra komið áleiðis og verð á þeim liggi ljóst fyrir.
Eftirspurn meiri en framboð
„Eftirspurnin verður örugglega meiri en framboðið, ég held að það sé ljóst strax,“ segir hann. Stórir árgangar séu að detta inn á ellilífeyrisaldur um þessar mundir og sá hópur fari stækkandi. Ekki sé nægt framboð af húsnæði fyrir þann hóp, en margir búi í óhentugu húsnæði, of stóru eða í lyftulausum húsum sem ekki henta þegar aldur færist yfir. „Það er margir í þessum hópi sem vilja komast í þægilegar íbúðir í fjölbýlishúsum og við þurfum að huga að því að auka framboð á þeim,“ segir Eiríkur.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
