30. október - 6. nóember - Tbl 44
Föstudagsfréttir úr Hrísey
Hjólað þegar rigningin fer í frí Mynd www.hrisey.is
Þá er júní að líða undir lok. Hann endar blautur og kaldur en var þó að mestu okkur hlýr og sólríkur.
Með bleytunni og kuldanum koma rólegheitin. Færri hafa sést á ferli um eyjuna, slátturvélar þagna og eru það fuglarnir sem helst vappa um og syngja fyrir okkur.
Það hafa þó haldið áfram að koma hópar í heimsóknir til Hríseyjar, skoða náttúruna, kíkja í hús Hákarla-Jörundar og fá sér að borða á Verbúðinni 66. Svo er sundið alltaf vinsælt sama hvernig veðrið er. Hjólandi ferðamönnum hefur fjölgað og er orðið mjög vinsælt að hjóla gönguleiðirnar um eyjuna sem og út að vita.
Byrjað er að tína hvönn og fer hópurinn nú um eyjuna að safna saman þessari frábæru plöntu sem hægt er að nýta á svo marga vegu. Einn unglingur bættist í hópinn í Vinnuskólanum og eru því nú fleiri hendur að vinna við að fegra umhverfið. Við vonum nú að þurrari dagar séu framundan svo allt þetta duglega fólk sem vinnur undir berum himni fái góðar vinnuaðstæður.
Annars hefur vikan verið frekar róleg hérna í Hrísey. Ásrún var í viðtali fyrir Áfram Hrísey í Mannlega þættinum á Rás1 á mánudeginum að ræða Þróunarfélagið, hátíðirnar sem haldnar verða í eyjunni í ár sem og mál Hríseyjar almennt. Áhugasöm geta hlustað á viðtalið hér.
Talandi um hátíðir. Þá ætti ekki að hafa farið framhjá neinum að Hríseyjarhátíðin er í næstu viku! Dagksráin er komin hér inn á síðuna sem og Facebook.
Á föstudeginum er garðakaffið á sínum stað, óvissuferð barna, unglinga og fullorðinna eru ómissandi upphitun fyrir laugardeginum. Skemmtidagskráin, kaffisala kvenfélagsins, brekkusöngurinn og gleðin á laugardeginum og langtímaspáin segir ekki rigning!
Það mætti draga þá ályktun að fáar fréttir og rólegheit vikunnar sem er að líða sé lognið á undan hátíðarstorminum. Eyjaskeggjar og gestir að hvíla sig svo hægt verði að skemmta sér enn meira í næstu viku! Húseigendur eru hvattir til þess að skreyta húsin, garðana og umhverfið og hefur fréttaritari áreiðanlegar heimildir fyrir því að þó nokkrir ætli að taka skreytingarnar mjög alvarlega í ár. Endilega segið svo öllum frá þessari frábæru fjölskylduhátíð okkar hér í Hrísey!
Komandi helgi bíður upp á bleytu og fremur kalt veður. Hiti fer ekki í tveggja stafa tölu, sólin verður í felum en það er ekkert víst að sunnudagur verði eins blautur og laugardagur. Samkvæmt Veðurklúbbnum á Dalvík verður júlí heldur blautari en júní. Við munum bara að hafa sól í sinni. Hún birtist á himni fljótt aftur.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
