30. október - 6. nóember - Tbl 44
Föstudagsfréttir úr Hrísey
Hríseyjarkirkja á miðsumarsnótt Mynd www.hrisey.is
Gróðurinn í Hrísey fagnaði þessa vikuna þó mannfólk og dýr gerðu það kannski ekki. Við erum jú mishrifin af bleytu.
Við vorum harkalega minnt á það að við búum á Íslandi í byrjun viku þar sem hiti fór undir 10 gráðurnar og himnarnir grétu. Nú þegar styttir upp og sólin fer aftur að skína má gera ráð fyrir röð við bensíndæluna og örlitlum hávaða í þorpinu því nú þurfa allir út að slá sprettuna sem rigningunni fylgdi.
Síðustu helgi var þjóðhátíðardagur Íslands. Fánar blöktu við húsin og ungmennafélagið Narfi bauð öllum krökkum í Hrísey upp á ís í Hríseyjarbúðinni. Sumum fannst orðið krakki frekar teygjanlegt og heyrst hefur að Díana í búðinni hafi þurft að hryggja margan fullorðinn með neitun á ís. Það er kannski ekki skrítið að orðið krakki sé teygjanlegt í Hrísey því hér verður margur barn aftur. Hoppar og leikur sér á ærslabelgnum (en hann spyr ekki um aldur) og þau djörfustu skella sér í aparóluna, sem endar þó oftast með grasgrænum og aumum bossa eftir að hafa runnið meira á jörðinni, en minna svifið í rólunni.
Það eru helst börnin sem láta veðrið minnst á sig fá. Heyra má í þeim í allskyns leikjum um allt þorp, í fótbolta bæði á stóra og litla vellinum og svo hefur Vinnuskólinn verið á ferðinni að fegra eyjuna.
Farþegaskipum fer fjölgandi og hópar af bláklæddum úlpum sveima um eyjuna og virða fyrir sér fuglalífið, mannlífið og náttúruna. Hafa þjónustuaðilar í Hrísey brugðist vel við og þessari viðbót í ferðamannastrauminn og Hríseyjarbúðin bauð upp á kvöldopnun fyrir hóp, safnið er opnað snemma að morgni eða seint að kvöldi eftir þörfum og Verbúðin hellir upp á og skiptir um kút eins og þarf. Hríseyingar eru gestrisnir og fara hóparnir glaðir frá okkur aftur. Vel gert eyjaskeggjar!
Föstudagskvöldið 16.júní var Svavar Knútur með auglýsta tónleika á Verbúðinni 66 sem enduðu í frábæru menningarkvöldi með tónlist, upplestri, leikrænum tilburðum og gleði. Var vel mætt fór fólk glatt heim út í bjarta sumarnóttina.
Íbúafundur í tengslum við rannsókn á ábyrgri eyjaferðaþjónustu var haldinn á miðvikudaginn og var vel mætt á hann. Áhugaverðar umræður áttu sér stað og greinilegt að fólkið hér er fullt eldmóðs fyrir Hrísey og ferðaþjónustunni. Það er alltaf gott þegar við erum dugleg og áhugasöm að taka þátt í vinnu við uppbyggingu hér í Hrísey. Það sýndi sig svo aftur á fimmtudagskvöldi þegar Þróunarfélag Hríseyjar hélt stofnfund sinn, hversu rík við erum af áhugasömum og hugmyndaríkum einstaklingum, félögum og fyrirtækjum sem hafa tengingu við eða störf í Hrísey. Vel var mætt á stofnfundinn og enn betur gekk skráning stofnfélaga. Stjórn var kosin og skipa hana Unnur Inga Kristinsdóttir, formaður, Gísli Rúnar Víðisson, Hrönn Traustadóttir, Ingimar Ragnarsson og Ingólfur Sigfússon. Það mun koma sér frétt um stofnfundinn og Þróunarfélagið hér á heimasíðuna fljótlega, ásamt fundargerð og samþykktum félagsins.
Það er ekki hægt annað en að fyllast bjartsýni, þakklæti og gleði þegar maður starfar fyrir Hrísey og öll þau sem henni fylgja. Fréttaritari stóð lengi í gærkvöldi og naut miðnætursólar í bland við rigningu og regnboga hér í þorpinu. Það skal engan undra að Hrísey eigi sér marga velunnara í öllum landshlutum og víðar um heiminn. Það eru töfrar yfir hríseyskri sumarnótt sem láta enga ósnortinn og samfélagið iðar af lífi sem við sköpum okkur sjálf. Það er gott að búa í Hrísey.
Föstudagsfréttir segja frá mannlífinu í Hrísey án þess að segja neinar lygasögur. Það sama verður ekki alltaf sagt um veðurfréttir föstudagsfrétta. Þær eru bara alls ekki alltaf sannar og réttar. Vill þó ritari koma því fram að lesnar eru fjórar mismunandi veðursíður og veðurfréttir bakaðar í kringum þær. Til upplýsingar eru síðurnar eftirfarandi: yr.no vedur.is blika.is og weather.com
Samkvæmt þessum fjórum síðum má gera ráð fyrir um 20 stiga hita á laugardaginn og heldur ólíklegt að rigni. Sunnudagur er heldur kaldari eða hiti í kringum 15 stigin og bleyta eftir hádegi eða seinnipartinn. Við mælum því með garðslætti, göngu og sólbaði á morgun en nota sunnudaginn til baksturs, heimsókna eða almennrar leti.
Frá stofnfundi Þróunarfélags Hríseyjar Mynd www.hrisey.is
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
