6. nóvember - 13. nóvember - Tbl 45
Föstudagsfréttir úr Hrísey
Sara Björg, Hrafnhildur Dimmey og Elía Villimey sungu frumsaminn texta við lagið Gamli Nói á opnun sýningar í Húsi Hákarla-Jörundar á barnamenningarhátíð Mynd www.hrisey.is
Það er ekki alvöru föstudagur ef ekki koma fréttir frá Hrísey, gjörið þið svo vel hér. Sumardagurinn fyrsti var í gær og hér í Hrísey var bæði sólskin og hiti. Margt fólk heimsótti eyjuna, bæði í dagsferðum og til dvalar yfir langa helgi. Það því líf og fjör á hátíðarsvæðinu og dásamlegt að heyra hlátrasköllin í bland við fuglasönginn. Fuglarnir eru að snúa heim eftir vetrardvöl á hlýrri slóðum og flögra nú um eyjuna í leit að maka með tilheyrandi söngvaflóði.
Eftir að síðustu föstudagsfréttir voru birtar komu fréttir af því að Hrísey hefði fengið veglegan styrk úr Framkvæmdasjóði Ferðamannastaða. Styrkurinn, sem hljóðar upp á 27 milljónir, verður notaður í stígagerð um rauðu gönguleiðina. Mun nýr og betri stígur auðvelda aðgengi að Hvatastöðum, en þústir af Hvatastöðum má sjá vel og greinilega þegar rauða leiðin er gengin. Hvatastaðir er talinn einn af fyrstu búsetustöðum landnámsmanna í Eyjafirði og hægt er að kynna sér sögu þeirra á skiltum sem standa við göngustíginn sem er þar nú sem og hægt að lesa fornleifarannsókn Orra Vésteinssonar af svæðinu frá árinu 2018 hérna. Verður stígurinn mikil bót fyrir bæði lýðheilsu og afþreyingu hér í Hrísey.
Þegar fuglarnir þagna í örstutta stund má heyra í töluverðum framkvæmdum hér í eyjunni. Við Búðartanga er unnið hörðum höndum við að klára ný-reistan sumarbústað og í Kaupfélagshúsinu er verið að útbúa litla íbúð. Hríseyingar nýttu góða veðrið í vikunni og byrjuðu garðvinnu og eru trampólínin farin að birtast hér og þar. Það er því sannarlega margt sem segir okkur að sumarið sé hér. Veðrið þennan föstudag vildi þó ekki vera með okkur í þeirri trú því eyjaskeggjar og gestir vöknuðu upp við snjókomu og föl hefur sest hér og þar um eyjuna.
Slökkviliðið er enn að æfa sig og læra á nýja bílinn og komu félagar þeirra frá Akureyri yfir að líta yfir tækin með þeim nú í vikunni. Það minnti á gott froðupartý, útlitið fyrir framan slökkvistöðina um tíma.
Barnamenningarhátíð er haldin hátíðleg hér í Hrísey eins og annars staðar í sveitarfélaginu. Linda María Ásgeirsdóttir ásamt Þórunni og Theodóru úr grunn og leikskólanum, unnu með yngri krökkunum í Hríseyjarskóla og leikskóladeild að sýningu um sögu Hríseyjar. Opnaði sýningin í húsi Hákarla-Jörundar sumardaginn fyrsta. Sýningin verður opin í dag, föstudag, milli klukkan 14:00 og 16:00. Er sýningin bæði fræðandi og stórskemmtileg, við hvetjum ykkur til þess að láta hana ekki framhjá ykkur fara!
Það voru þó ekki bara yngri krakkarnir í Hrísey sem helguðu sig listinni þessa vikuna. Unglingadeildin í Hríseyjarskóla tók þátt í hæfileikakeppninni Fiðringi á þriðjudaginn. Sýndu krakkarnir frumsaminn leikþátt sem heitir Tvær hliðar og fjallar um fátækt og misskiptingu á Íslandi. Linda María hélt utan um hópinn og vann með þeim við gerð atriðisins. Það var góður hópur Hríseyinga sem fylgdi þeim í Ólafsfjörð og hvatti krakkana áfram. Hríseyjarskóli var minnsti skólinn til þess að taka þátt og var því öll unglingadeildin í atriðinu! Þau stóðu sig ótrúlega vel og getum við verið mjög stolt af þeim.
Föstudagspizzur Hríseyjarbúðarinnar verða á sínum stað í kvöld fyrir öll þau sem vilja spara sér eldamennskuna. Verbúðin er opin á laugardagskvöldi svo hægt er að komast upp með að nota eldhúsið lítið sem ekkert heima hjá sér um helgina!
Vorveður verður um helgina þar sem hiti verður á 0-6 gráður og sólin ætlar að sýna sig aðeins. Við látum smá föstudagssnjókomu ekki stoppa okkur í útivist og gleði. Hægt er að fara að prófa frisbígolfvöllinn, rölta gönguleiðirnar, fara í sund eða kíkja í kaffi til nágrannans.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
