6. nóvember - 13. nóvember - Tbl 45
Föstudagsfréttir frá Hrísey
Sumarið kemur senn. Mynd hrisey.is
Þær eru í seinna fallinu fréttir frá Hrísey þessa vikuna, en það skrifast á vefara Vikublaðsins.
Enn ein vikan liðin hér í Hrísey.
Vetur og vor tókust á þar sem sólin skein og fuglar sungu á meðan snjóaði smá og kalt var í lofti.
Hrísey er menningar eyja og erum við svo lánsöm að hafa bæði okkar eigin listamenn og konur í húsum hér í eyjunni, sem og að hafa Gamla skóla. Listafólkið sem dvalið hefur í Gamla skóla undanfarið efndi til sýningu á verkum sínum sem þau hafa verið að vinna. Boðið var upp á málverkasýningu, frumsamda tónlist og upplestur. Heimafólk og gestir eyjarinnar fjölmennt upp í Gamla skóla og nutu þess sem listafólkið hafði upp á að bjóða. Það bæði kryddar og göfgar mannlífið í Hrísey að fá nýtt fólk með nýja sýn á landið okkar, eyjuna okkar og okkur sjálf. Hægt er að fygljast með því sem er að gerast í Gamla skóla á Facebook í þessum hóp. Þar setur sumt listafólkið inn verkin sín, vinnuna og myndir úr Hrísey.
Hverfisráð Hríseyjar hélt aðalfund sinn þriðjudaginn 25.apríl. Ingólfur formarður ráðisins fór yfir starfsárið 2022-2023 og talin voru upp mörg þau góðu verkefni sem ráðið vann að. Uppbygging á Hátíðarsvæðinu hefur gengið vel og er búið að fjölga leiktækjum ásamt því að vinna í grillhúsinu. Umhverfisverkefni voru þó nokkur og ráðgjöf og samtal við Akureyrarbæ um ýmis málefni. Kosið var í hverfisráðið og sitja þeir Ingólfur Sigfússon, formaður, og Narfi Freyr Narfason áfram en Júlía Mist Almarsdóttir kemur ný inn. Við þökkum fráfarandi meðlim ráðsins Friðriki Úlfari Ingimarssyni, kærlega fyrir sín störf og óskum honum velfarnaðar í nýjum ævintýrum á meginlandinu. Við hvetjum nýtt ráð til áframhaldandi góðra verka og óskum þeim alls hins besta á komandi starfsári.
Með hækkandi sól og hlýnandi veðri fjölgar bæði gangandi og hjólandi vegfarendum. Við biðjum því alla á götunum, akandi, gangandi og hjólandi, um að fara varlega, taka tillit og líta til beggja hliða á gatnamótum.
Við höfum áður minnst á vorboða í Hrísey eins og fljúgandi farfugla, mennska farfugla og kúluísinn í Hríseyjarbúðinni. Annar vorboði eru hlátrasköll og leikur krakkana í Hrísey þar sem þau eru úti í leikjum um alla eyju. Tímarnir breytast og mennirnir með, en fjörugir leikir barna í Hrísey breytast lítið. Enn er farið í yfir hjá rauða skúrnum, löggu og bófa lifir góðu lífi og fótboltar finnast í ýmsum görðum og runnum. Það er ekki annað hægt en fyllast bjartsýni og gleði yfir framtíðinni þegar maður fylgist með ungu eyjaskeggjunum.
Auglýst var á samfélagsmiðlum að Vinnuskólinn væri með opið fyrir umsóknir. Hvetjum við unglingana í Hrísey til þess að sækja um hér. Ef einhver ætlaði að sækja um flokkstjóra-stöðu en gleymdi sér aðeins, þá er hægt að hafa samband á netföngin vinnuskoli@akureyri.is eða orri@akureyri.is
Það er þriggja daga helgi framundan og því má búast við því að það fjölgi fólki í Hrísey. Við minnum á íþróttir fyrir fullorðna á sunnudögum í boði UMF Narfa og hvetjum ykkur til þess að vera dugleg að fylgjast með viðburðardagatalinu hér á síðunni. Opnunartímar hjá Verbúðinni 66 eru auglýstir bæði á Facebook og Instagram svo endilega skellið í "follow" ef þið eruð ekki þegar búin að því. Hríseyjarbúðin auglýsir tilboð, nýjar vörur, opnunartíma og fleira á sínum miðlum, Facebook og Instagram. Við mælum sömuleiðis með því að þið skellið í "follow" þar ef þið eruð ekki búin að því. Íþróttamiðstöðin er líka á facebook og þar er gott að fylgjast með opnunartíma. Endilega eltið þeirra síðu líka.
Hiti verður rokkandi í kringum frostmark, sólin sýnir sig en skýin þvælast eitthvað aðeins fyrir. Við munum því ekki alveg leggja vetrarfötunum um þessa helgi, en það styttist í það! Gönguleiðirnar er dásamlegt að fara í þessu veðri, starfsfólk Íþróttamiðstöðvarinnar tekur vel á móti ykkur og það er hægt að sitja inni með kúluísinn í búðinni. Fyrir þau sem ekki nenna að elda í kvöld þá er opnar fyrir pizzupantanir klukkan 16:00 í Hríseyjarbúðinni.
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
