27. nóvember - 4. desember - Tbl 48
Forgangsmál að ná til hóps sem glímir við sárafátækt
Þeim sem óskað hafa eftir fjárhagsaðstoð undanfarna mánuði hefur fjölgað, sem að hluta til má helst rekja til fjölgunar í hópi flóttafólks.
Hulda Elma Eysteinsdóttir formaður Velferðarráðs segir að eitt fyrsta verkefni ráðsins hafi verið að fela sviðsstjóra velferðarsviðs að hefja vinnu við að greina umfang sárafátæktar á Akureyri. Gert er ráð fyrir að á næsta fundi ráðsins verði lagt fram minnisblað um stöðuna.
„Þessi vinna er í fullum gangi og við gerum okkur vonir um að einhver mynd verði komin á stöðuna áður en langt um líður. Það er í mínum huga forgangsmál að við náum til þessa hóps. Við sem samfélag eigum ávallt að rýna þær leiðir sem við höfum til að koma til móts við þá hópa sem bágust hafa kjörin og huga m.a. að því að lækka álögur á þá sem þurfa á því að halda frekar en þvert á alla hópa,“ segir Hulda Elma.
Fleiri óska eftir fjárhagsaðstoð
Hún segir að þeim sem óskað hafa eftir fjárhagsaðstoð undanfarna mánuði hafi fjölgað, en að má helst rekja til fjölgunar í hópi flóttafólks. „Fjárhagsaðstoð er fyrst og fremst hugsuð til þess að grípa fólk í neyð og sem betur fer þurfa fæstir að reiða sig á þá aðstoð til lengri tíma, meðaltalið er um þrír mánuðir.“
Hulda Elma segir mikilvægt að vinna greininguna hratt svo hægt verði hið fyrsta að gípa þá sem höllustum fæti standa.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
