Flökkulíf
Svavar Alfreð Jónsson skrifar
Síðustu sumur höfum við hjónin ferðast um landið í ferðavögnum, notið fjölbreyttrar náttúru og þeirrar vönduðu aðstöðu sem komið hefur verið upp fyrir ferðafuður, innlendar sem erlendar.
Ísland hefur upp á ótalmargt fleira að bjóða en tilkomumikil fjöll, syngjandi fossa, hvæsandi hveri og ævintýralegar gönguleiðir um öræfi og eyðibyggðir. Þar eru frábærar sundlaugar nánast í hverri sveit og munaðarfull heilsuböð fyrirfinnast á öllum landshornum.
Ég fæ vatn í munninn þegar ég minnist veitingastaðanna í sveitum, bæjum og þorpum.
Hafið þið smakkað smjörsteiktu gellurnar á Café Riis á Hólmavík? Hafið þið pantað ykkur fjögurra rétta óvissuseðilinn með allskonar góðgæti úr matarkistu Austurlands á Nielsen á Egilsstöðum? Hafið þið gætt ykkur á nýveiddu sjávarfangi í Tjöruhúsinu á Ísafirði?
Nýlega fékk ég mér breiðfirska bláskel með frönskum á Narfeyrarstofu á Stykkishólmi. Hvergi hef ég fengið betri skelfisk og hef þó víða snætt slíkt ljúfmeti.
Flökkulífið er indælt. Í því á maður hvergi heima og er alls staðar aðkomumaður. Og um leið á flökkufólkið heima hvar sem það er statt.
Við þurfum ekki að fara langt til að víkka sjóndeildarhringinn. Þau sem ferðast um Ísland læra að elska landið sitt og blessast jafnframt af því að landið hefur opnað sig fyrir auðgandi áhrifum víðsvegar að úr veröldinni.
Nýjast
-
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur.
